Филологическая 1 ÏÌÓ ÕÀÁÀÐØÛÑÛ ÂÅÑÒÍÈÊ ÏÃÓ филологическая серия

Вестник ПГУ №4, 2010
48
ӘОЖ - 81
МӘТІНТАНУДАҒЫ ДЕРИВАЦИЯЛЫҚ БАҒЫТ
Ғ. Әнес
“Арыс” баспасы, Алматы қ.
Мәтінтанудың деривациялық бағыты – 1980 жылдардан тіл білімінде 
жиі атала бастаған «деривация» терминімен бірге жарыса пайда болған бағыт. 
Аталмыш бағыт барлық басқа да тілдік бірліктер секілді мәтін тудыруда 
да тілдің барлық денгейлері бірліктерінің қатысуы, атсалысуы тең, бірдей 
болатынын дәлелдеу мақсатынан туған бағыт еді. Бұл терминнің астарында 
тудыру, жасу ұғымы жататыны ғылыми көпшілікке бүгінгі таңда белгігі.
Туындау, жасау идеясын мәтіннен, мәтін ішінен іздеген Е.С. Кубрякова 
мәтінде  деривацияның  универсалды  заңдылықтары  барын  көрсетті, 
кейіннен оның еңбегіндегі айтылған ойлары мен тұжырымдары бірталай 
зерттеушілердің осы бағытта жүргізген зерттеулері арқылы нығайып, жаңа 
қырлары ашылып, өрісін кеңейте түсті.
Зерттеушілердің айтуынша, мәтінжасаудың негізінде ойлану процесі 
жатады, мәтін құрау немесе мәтін тудыру дегеніміз – ой тудыру деген сөз, 
мәтінге енгізілген ой немесе мәтіндік ой, мәтінге жүктелген ой, мәтін арқылы 
жеткізілуге тиәсті оның түпкі мазмұндық негізі болып табылады. Міне, нақты 
осы денгейде мәтін іргетасы қаланады және оны құраудың универсалды 
заңдылықтары іске қосылып, мәтінді құраушы тілдік тетіктер анықталып, 
мәтінді тану әрекеті жүзеге асады.
Мәтінжасаудың деривациялық тетіктері сөйлеуші мен тыңдаушының 
еркі мен психологиясына бағынбайтын, одан тыс жатқан мәтін талдау әдісіне 
сүйенеді, яғни зерттеушінің бүкіл күш-жігері, интеллектісі мәтінжасаудың 
субьективті емес, керісінше, мәтінтудырудың обьективті факторларының 
универсалды ережелері мен заңдарына сәйкес құрылатын мәтінді талдауға 
жұмылдырады. Бұл бағыт бойынша мәтін бір-біріне байланысып жатқан, 
қарым-қатынастағы  элементтердің  жиынтығы  ретінде  қарастырылады 
да,  осыдан  келіп  мәтіннің  динамикалық  аспектісін  танып-білуге  жол 
ашылады. Мәтінтудыру барысы бұл арада мәтін дамуының семиотикалық 
процесі ретінде зерттеу жұмыстарында ұғындырылып және мәтінжасаудың 
тетіктерінен зерттеушілер қайшылықтарды іздейді.
Мәтіннің  түпкі  деңгейінің  негізгі  әрі  басты  заңына  Л.Н.  Мурзин 
инкорпаративтілікті  жатқызады,  бұл  жердегі  inkorporatio  -  өз  құрамына 
енгізу, кіргізу («включение в свой состав») дегенді білдіреді.
Инкорпаротивтік  принципке  сәйкес  әрбір  семантикалық  құрылым 
алдыңғы семантикалық құрылым негізінде жасалады, сөйтіп барып жалпы 
мағыналық кешеннің құрамына енеді.

серия 
ФИЛОЛОГИЧЕСКАЯ
49
Мәтіндік  инкорпорацияның  екі  қыры  бар:  оның  алғашқысы  – 
семантикалық  предикативтілік  құрылымның  пайда  болу  процесі  болса, 
ал  екіншісі  –  осы  процестің  нәтижесі  болып  табылатын  –  номинация. 
Предикативтілік  субьект  пен  предикаттың  бірігуі  барысында  сөйлемнің 
предикативтік негізінен байқалатын болса, номинация зат есім мен сөздердің 
тіркесуінен көрінеді. Л.Н. Мурзин жоғарыда көрсетілген еңбегінде бірнеше 
сөйлемді  тізбектеп  бере  отырып,  предикативтіліктің  номинацияға  өтуі 
процесін былайша түсіндіреді: Ветер был сильный. Сильный ветер дул с 
моря. Дующий сильный ветер гнал тучи. Қазақ тілінен мысал келтіретін 
болсақ, былайша көрсетуге болады: Ескі әдетімен әндетті. Ескі әдетімен ән 
айтты. Ескі әдетімен індете тұрды да, керіле есінеп тысқа шықты.
Предикативтілік пен номинация мәтінжасаудың ең мықты да негізгі 
тетіктері («механизмы»), олар бірін бірі толықтыра отырып, бір-бірімен 
тұтасып,ұштасып  өмір  сүреді,бірақ  әртүрлі  мәтіндердегі  олардың 
мөлшері  тең  түсе  бермейді,  әр  түрлі  мәтіннің  әртүрлі  айырым-мөлшері 
болады. Кейбір мәтіндерде предикаттар көп ұшырасса, енді біреулерінде 
номинациялардың  мөлшері  басым  түсіп  жатады.  Өйткені  әрбір  мәтінді 
дүниеге келтіретін жекелеген авторлар, сондықтан мәтіндегі предикативтілік 
пен  номинативтердің  мөлшері  автордың  стиліне,  әр  автордың    стильдік 
ерекшелігіне  байланысты  болып  келеді,  соған  орай  мәтін  құрылымынан 
бірде аз, енді бірде көбірек мөлшермен орын алады. Бұл – бірінші көрсеткіш. 
Мысалы, Е. Раушанов өлеңдерінде предикаттарға құралған мәтіндер жиірек 
кездесетіні байқалады:
Іздеймін жалғыздықтан торықсам,
Ұмтыламын өрге кіл.
Басымды изеп өте шығам жолықсаң,
Көр де тұр [2, 182].
(14 сөздің 8-і етістік тұлғалар, 1-і үстеу, 1-і шылау, есім негізді сөздің 
саны - 4).
Немесе:
Шапқыладым,
Шыңдарға  шықтым өрлеп,
Бір күні ажал келді де түкті қол боп,
Қабырғамды  суырып алды бітеу...
Күлді сосын ыржаңдап «мықты бол» деп (сонда).
Құныға жұтар құнан-қымызға құмартып,
Отауға ендім.Жусанның иісі тұр аңқып.
Ұрлана келіп, «Ұры» сайменен жүргенше,
Ұрандап  келіп,  дөңменен  жүрген  мың  артық!  (сонда,17-б.).  Бұл 
жолдардағы 21 сөздің 12-і предикаттар.

Вестник ПГУ №4, 2010
50
Екіншіден,  предикативтілік  пен  номинацияның  әр  түрлі  мәтінде 
әртүрлі  мөлшерде  ұшырасуы  мәтіннің  композициясымен,  сюжеттің 
дамуымен  тікелей  байланысты  орын  алады  және  предикат  пен 
номинацияның мәтіннің түрлі бөліктерінде әрқилы мөлшерде кездесетіні 
өз алдына бөлек талдауға тұратын мәселе.
Айталық,  өршіл  ақын  Махамбеттің  өлеңдері  жаугершілік  заманына 
сай жаугершілік тақырыпқа арналғандықтан, өлең мәтіндері жауынгерлік 
лексикаға  бай.  Жауынгерлік  киім,  батырдың,  ердің  киімі,  қару-жарақ 
атауларымен бірге соғыс, ұрыс барысын жеткізетін қимыл-әрекетті білдіретін 
сөздер көп: найзаны күнге қурату, құдайлау, құрсағынан шалдыру, сағағы 
болат  қылыш,  сусыны  қанға  қану,  дем  тарту,  қалыңсыз  құшу,  білекті 
бірлестіру, біріндеп жауды қашыру, кескілеспей басылмау, тақ мейманасы 
тасу, тағыда таңдап су ішу, бұзбай құлын пісіру, бойлата жүрекке сұғу, әділ 
жанын аяу, маңдайын сары сусар бөрік басу, сары алтынға малдыру, тереңнен 
кезін айдыру,мұз үстіне от жағу, т.б.
Өйткені, өлең композициясы, соғыс кезіндегі өршіл қимылды суреттейтін 
сюжеттік дамулар предикаттардың қолданысына еріксіз жетелейді:
Мен, мен едім, мен едім,
Мен Нарында жүргенде,
Еңіреп жүрген ер едім. 
Мен – жіктеу есімдігі мен Нарын сөзінен басқанын бәрі де қимылды 
білдіретін етістіктер. Етістіктердің құрамы туралы талдау бір басқа екенін 
ескертеміз, бірақ олардың бәрі де композиция құрап, сюжеттің әрі қарай 
өрбуін қамтамасыз етеді.
Ішелік те желік,
Мінелік те түселік,
Ойналық та күлелік,
Ойлайсыңдар,жігіттер,
Мынау жалған дүния
Кімдерден кейін қалмаған [3, 232]
Мәтіннің лексика-грамматикалық деңгейінде бір-бірімен байланысты 
әрі бір-біріне қарама-қарсы бағытталған мәтіндік тетіктер орналасқан, олар 
мәтінді дамыту мақсатында қызмет атқаратын контаминация  және мәтінді 
тұйықтауға арналған компрессия.
Дамыту («развертывание») немесе кеңейту – мәтінжасаудың ең көрнекті 
тетігі. Көрнекті болатын себебі, мәтін құрауды  о баста ойлау, алдын-ала 
ойда құрастыру деңгейіндегі («замысел») кезімен және мәтіннің сызықтық  
бойында ұйымдастырылуымен («линейная организация») ғана емес, мәтіннің 
түпкі  мазмұндық  деңгейінен  одан  шартты  турде  жоғары  тұрған  беткі 
(«поверхностный»), яғни лексика-грамматикалық деңгейіне өтуін қамтамасыз 
етумен байланысты.

серия 
ФИЛОЛОГИЧЕСКАЯ
51
Тежеу  немесе  тұйықтау  («свертывание»)  кезінде  бәрі  кері  ретпен 
орындалады, беткі деңгейден түнкі терең деңгейге өту процесі орындалады, 
мәтіннің мазмұнын түрлі формалар арқылы түсініп-тану жүзеге асады.
Сондықтан аталмыш қос тетік бірімен-бірі қатарласа өмір сүреді және 
бірін-бірі толықтырады.
әдебиеттер
1.  Кубрякова  Е.С.    О  связях  между  лингвистикой  текста  и 
словообразованием // Лингвистические проблемы текста. - М., 1983.-55.
 2. Мурзин Л.Н. Основные дериватологии. - Пермь, 1984.
3.  Мурзин Л.Н. Текст и его восприятие. - Свердловск.1991.
4.  Раушанов  Е.  Бозаңға  біткен  боз  жуан  -  Алматы:  «Раритет»,2006. 
-382б.
5.  Досмұхамедұлы  Х.  Исатай-Махамбет  (Махамбет  жырларының 
тұңғыш  басылымы.  –  Тайманұлы  Исатайдың  туғанына  200  жыл  толу 
мерейтойына арналған).
Резюме
В статье обширно рассматривается проблема лингвистической 
деривации.
Resume
The article extensively dwells on the problem of linguistic deriva-
tion.
ӘОЖ 882.151.212.2-141
ҚАСЫМ АМАНЖОЛОВТЫҢ ТАБИҒАТ 
ЛИРИКАСЫНДАҒЫ ШЕБЕРЛІГІ ЖӘНЕ  
ЛИРИКАЛЫҚ ҚАһАРМАН
Г.А. Жұмабекова
С. Торайғыров атындағы Павлодар мемлекеттік университеті
М.  Базарбаев  «Көрікті  ойдан  –  көркем  сөз»  еңбегінде:  «Қасым 
Аманжолов поэзиясына дауылды, екпінді, серпінді күш тән. Екпінді болғанда 
көбіне құр айқай, даңғазалық үлгімен жазылған ұран өлеңдер іспетті емес, 
терең сезім мен мазмұнның, отты, уытты сөздердің екпіні, оқушысын баурап 
әкететін әсерлі, құнарлы шумақтар екпіні» [1; 169] – деп, ақын поэзиясына 
баға береді. Қ. Аманжоловтың «Мен – табиғат бөбегі» өлеңінен ақын стилін 

Вестник ПГУ №4, 2010
52
күшті аңғарамыз. Лирикалық қаһарманының өр, өжет мінезді, рухты бейне 
екендігін зерделеу үшін ақынның жырына үңілейік: 
Мен – табиғат бөбегі,
Еркін жанмын еркемін.
Аузымда жастық өлеңі,
Еркелеп күйім шертемін.
Жарқ-жұрқ етіп жүруді
Нажағайдан үйренгем.
Шадыман шат боп күлуді 
Күн мен айдан үйренгем.
Тәккапарлық, ерлікті
Асқар таудан үйренгем.
Мен бір жанмын ерікті,
Жарысып желмен жүгірген.
Ашу, қайғы дегенді
Қара бұлттан үйрендім. 
Өз еркімше сілтемей,
Қашан ғана имендім?! [2; 83-84б]. 
Өлеңдегі «жарқ-жұрқ», «шадыман шат» сөз тіркестері эмоционалды 
мәнге  ие  болып,  лирикалық  қаһарманның  ерекшелігін  ашу  қызметіне 
сәулесін түсіріп тұр. «Жарқ-жұрқ» еліктеуіш сөзі дыбыс картинасын жасап, 
дыбыс  суретін  беруде  ақынның  шеберлігін  танытып  тұр.  Лирикалық 
қаһарманның «өзіндік мені» бар екендігі, Мағжанның «мені» іспетті рухы 
күшті романтикалық қаһарман десек, «Мен кім» өлеңіндегі «Көкте – бұлт, 
жерде  –  желмін  гулеген,  //  Жер  еркесі  желдің  жөнін  кім  сұрар?»  деген 
тармақтардан Мағжанның лирикалық қаһарманы көктегі бұлт, жердегі жел 
секілді еркін, ешкімге мойымайтындығы білінсе, Қ.Аманжоловта да «Еркін 
жанмын еркемін», // «Өз еркімше сілтемей, // Қашан ғана имендім?!» өлең 
жолдарынан да ақын лирикалық қаһарманының ешкімге тәуелсіз екендігі 
айқын аңғарылады. Бұл - дәстүр тағылымындағы сабақтастық пен үйлесімді 
көрсетсе керек. Сонымен қатар Қ. Аманжоловтың лирикалық қаһарманы 
өзінің күштілігімен дараланады: нажағайдай жарқ-жұрқ етіп жүруді, желмен 
жарыса жүгіргенді ұнатады, ашу, қайғысы да қара бұлт секілді, асқар таудай 
тәккаппар, ер мінезді. Ақын лирикалық қаһарманының тағы бір ерекшелігі 
– биіктікке, алға ұмтылу. Мәселен, ақын өзін көктегі күн мен айға, бұлтқа, 
асқар тауға теңгерер ме еді, әйтпесе?! Сол биіктікке ұмтылуда келекшекке 
деген зор үміттің болуы десек те қателеспейміз. Екі ақынның да өлеңдері 
жастық кезде жазылған жалынды жырлар. Жалпы, Мағжан мен Қасымның 
өлең  мұратын  дәйектесек,  тереңде  жатқандығынан  хабардар  боламыз. 
Тереңдігі сонда, өздерінің «жеке мені» арқылы бүкіл қазақ халқының ұлттық 
рухын, болмысын, тектілігін, биіктігін асқақтатып, романтикалық қаһарман 

серия 
ФИЛОЛОГИЧЕСКАЯ
53
тудырған. Осы ретте, В. Белинскийдің мына пікіріне зейін қойғымыз келеді: 
«Ұлы ақын өзі туралы, өзінің жеке мені туралы айтса, - жалпы жұрт туралы, 
бүкіл адам баласы туралы айтқаны; өйткені оның тұлғасында жалпы адам 
баласына тән күллі қасиеттің бәрі бар» [3; 320]. 
Ақынның «Долы бұлт» өлеңінде адамның кейбір мінез-құлықтарын,                 
іс-әрекеттерін табиғат көріністері арқылы тануға болады. Бұдан біз табиғатты 
жырлау адам сипатын толыққанды ашып беретін құрал екендігін тағы да 
дәйектей түсеміз.
Суырып көкте қылышын,
Нөсерлі қара төнді бұлт 
Тарылтып жердің тынысын.
Тапа-тал түс болды ымырт
Өрістен қашты төрт түлік,
Асыға үйге енді жұрт.
Салатындай бір бүлік,
Ақырды жерге долы бұлт
Күйзелді келіп, күңіренді,
Аласұрды аспанда.
Шуылдап аймақ тебіренді,
Жалынын жерге шашқанда
Жіберді жылап долы бұлт,
Төгілді жерге көк нөсер.
Өтті де кетті, болды ұмыт,
Жадырап жайнап күлді жер [2; 103].   
Ақын жаңбыр жауар алдындағы табиғаттың бұзылуын «Ақырды жерге 
долы  бұлт  //  Күйзелді  келіп,  күңіренді,  //  Аласұрды  аспанда»,  ал,  қатты 
нөсердің құюын «Жіберді жылап долы бұлт» деген образды сөздермен келісті 
сурет жасаған. Осы орайда, белгілі ғалым Р. Нұрғалидың «Образ үшін дыбыс, 
сөз, сөз тіркесіндегі бейнелілік, әуезділік, бояу – аз. Білімділік, ділмарлық, көп 
көру – бұл да жеткіліксіз. Дүниеге шығарма әкелетін қуатты күш – көзі ашық 
дүниетанымға сүйенетін суреткер қиялы, қанатты фантазия» [4; 42], – деген 
пікірін ескергіміз келеді. Ақын табиғат пен адам арасындағы байланысты 
жауын-шашын жауар алдындағы болатын көрініс арқылы сипаттаған. Осы 
көрініс негізінде адамның мінез  әрекеттерін, әсіресе адамның ашулы күйін 
«қара бұлт», «долы бұлт», «ақырды жерге долы бұлт» көріктеуіш сөздерінен 
көреміз. Өлеңге «қара» көріктеуіш сөзі экспрессивтілік мәнді күшейтіп, жыр 
мазмұнына әуезділік, бояу дарытып тұр. Жоғарыда талдаған «Мен  - табиғат 
бөбегі»  өлеңінде  де  «қара»,  «бұлт»  сөздері  лирикалық  қаһарман  мінезін 
сомдауға қызмет етіп тұрғандығын «Ашу, қайғы дегенді // Қара бұлттан 
үйрендім» - жолдары айтқанымызға дәлел бола алады. Төртінші шумаққа 
үңілсек, қатты нөсерден кейін жердің жадырап, жайнауын көреміз. Бұл да 

Вестник ПГУ №4, 2010
54
психологиялық тұрғыдан байыптағанда, адам мінезінің бір қырын көрсетеді. 
Яғни, психология ілімінде, әсіресе ер адам ашу үстінде өте күрделі процестен 
өту барысында ішіндегісін жайып салғаннан кейін бірден сабасына түсіп, 
өзін-өзі  қолына  алып,  өзін  кінәлі  сезінгендей  күйде  болады  екен.  Өзін 
кінәлі сезінгенде бәрін ұмытып, қайтадан «жадырап» шығады екен. Көріп 
отырғанымыздай, көркем сөздің құдіреті адам жанының психологиясын 
зерттеп,  оның  үстіне  табиғаттағы  лирикалық  қаһарманның  бой  көрсетіп 
отыруы  –  тақырыбымыздың  өзектілігін  салмақтай  түседі.  Мұндағы 
лирикалық қаһарман – сырттай бақылаушы болып көрінгенімен, іштей кірігіп 
кеткен қаһарманды танимыз. Лирикалық қаһарманның мінезін бажайлай 
түсеміз. Сөйтіп, лирикалық қаһарман арқылы ақынның стилін аңғарамыз. 
Мәселен,  «... стиль деп, әр жазушының өзіне тән ерекшеліктерін ұғыну. Стиль 
– жазушының барлық туындыларын түгел қамтиды. Жай қарағанда бір-біріне 
ұқсамайтын сықылды жазушының әр шығармаларын тереңірек зерттесек 
өзара жақындығын, бірліктерін көреміз. Олар, бір жазушының қаламынан 
шыққан туындылар болғандықтан, әрқайсысы-ақ «мен пәленнің қаламынан 
тудым» деп, сыбырлап тұрғандай. Өйткені, стиль – жазушының өзі. Стиль 
ұғымына  жазушының  тілі,  сөйлем  құрылысы,  мәнері,  шығармаларының 
композициясы,  оқиға  дамыту  әдістері,  тақырып  таңдаулары,  жанрлық 
ерекшеліктері, тағы басқа компоненттер кіреді»  [5; 13]. 
Қ.  Аманжоловтың  «Жаңбырлы  кеште,  көшеде»  өлеңі  де  назар 
аударарлық. Өлеңді толығымен келтірейік:
Жаңбырлы кеште, көшеде
Жүрді жалғыз жас жігіт.
Дем алады күрсіне
Өңі қашқан сұп-сұрғылт.
Құйып тұр жауын нөсерлеп
Алас ұрып ойнап бұлт
Ұялаған құстардай 
Үйінде отыр барлық жұрт.
Жалғыз ғана жігіт жүр
Жапанда жалғыз батырдай
Онда сірә, бар не сыр
Білер ме еді, япырм-ай! 
Жүр ме әлде, жауыннан
Жан ләззатын табам деп
Ескен желмен тілдесіп
Алыстан хабар алам деп.
Кенеттен ол жанғандай
Жарқ-жұрқ етті нажағай!
О, жоқ! Емес нажағай,

серия 
ФИЛОЛОГИЧЕСКАЯ
55
Жарқ-жұрқ етті ақ маңдай
Жарқ-жұрқ етіп ақ маңдай 
Қыз келді жарқылдап
Қыз магниті тартқандай
Жетті жігіт жақындап
Жас жүрегін қолына ап,
Қызға жігіт ұсынды
Кетті сұлу ғайып боп
Жігіт ауыр күрсінді.
Бұл бір кәміл ақиқат
Мұнда терең бір сыр бар
Кімде күшті махаббат 
Болса, мұны сол ұғар [2; 173-174].  
«Сезім  шындығы  –  Қасым  өлеңдері  лирикалық  кейіпкерінің  басты 
қасиеті»  [6;  15],  -  демекші,  табиғат  пен  махаббаттың  тоғысуынан  туған 
лирика. Сезімнің, сырдың, махаббат әдемілігінің шынайы лирикасы. Жанға 
рахат  беретін,  нәзік,  сыршыл  жыр.  Р.  Нұрғалидың  «Қазіргі  поэзияның 
мойнындағы  жүк  ауыр,  көз  көрген  мен  қол  ұстағанды  ғана  айтсаң  ақын 
емессің,  үлкен  ой,  шамырқанған  сезімді  астастырып,  жұтындырып  жазу 
шарт» [7; 303], – дегеніндей Қ. Аманжоловтың бұл туындысы «үлкен ой, 
шамырқанған  сезімді  астастырып,  жұтындырып»  жазылған  жыр  екеніне 
дау жоқ. 
Өлеңде  лирикалық  қаһарманның  ғашығына  деген  сезімі  табиғат 
құбылыстарына сай өрілген. Дәлірек айтқанда, лирикалық қаһарман – жігіттің 
сүйіктісін аңсауы, сағынуы да байқалады. Мұнда лирикалық қаһарманның 
махаббат  сезімінің  күштілігін  беру  мақсатында  табиғаттың  элементтері 
(«жаңбырлы кеш», «нөсерлі жауын», «ескен жел» т.с.с.) қызмет атқарған. 
Сондай-ақ, бұл оқиғаның өзі ашық, жайдарлы күнде емес, жаңбырлы кеште 
болуы да лирикалық қаһарманның көңіл-күйіне сай табиғаттың да құбылуы, 
мәселен жауынның нөсерлеп құюы, бұлттың аласұрып ойнауы, осылардың 
бәрі - лирикалық қаһарманның бейнесін тануға боларлықтай табиғаттың 
келісті суреттері. Өлеңдегі жігіттің мазасыз күй кешуі (күрсініп дем алуы, 
сұп-сұрғылт боп өңі қашуы, ауыр күрсінуі) білінсе, лирикалық қаһарманның 
жүрек лүпілін де сезінгендей боламыз, әрі оған иланамыз. 
Ақын  лирикалық  қаһарман  –  жігіт  сезімін  жалаң  баяндаулармен 
беруден аулақ. Жігіттің қызға деген іңкәр сезімін «Жетті жігіт жақындап 
//  Жас  жүрегін  қолына  ап,  //  Қызға  жігіт  ұсынды»,  -  өлең  жолдарынан 
көреміз. Қандай әдемі образ?! Жігіттің ғашығына деген махаббаты сөзбен 
емес, ісімен тәнті етіп, көзімізге елестету арқылы ұқтырады. Лирикалық 
қаһарман үшін  қыздың  келуі  «найзағайдың  жарқылынан» кем  болмады. 
Ал, жігіттің қызға деген махаббаты найзағайдан да күшті. Өйткені, ол бүкіл 

Вестник ПГУ №4, 2010
56
жұрт  үйінде отырғанда жалғыз  өзі көшеде жүреді. Жігіттің қызға  деген 
сезімі  найзағайдан  кем  болмай  тұр.  Осы  орайда  Абайдың  «Жарқ  етпес 
қара көңілім не қылса да // Аспанда ай мен күн шағылса да», - деген өлең 
жолдарына ұқсатуға болады. Осы өлеңге қатысты Ж. Ысмағұлов «Абай» 
энциклопедиясында былай дейді: «Сүйген жарынан ажырап, алыста қалған 
жігіттің зарығып айтқан сағынышын білдіретін махаббат лирикасы. Біржола 
беріліп,  құлай  сүйген  жігіттің  бір  жақты  сүйіспеншілігі  жырланады.  Өз 
сезімі қыз жүрегінен үндестік тапсын-таппасын, ол алған бетінен қайтпайды, 
жалындаған ыстық махаббатының құрбандығына көніп, жүрек қалауының 
барлық  азабын  тартуға  әзір»  [8;  245].  Біздіңше,  Абай  өлеңдерінің  дені 
идеал махаббатқа құрылған, яғни ақын өлеңдеріндегі лирикалық қаһарман 
- тұрақты, адалдықтың үлгісі ретінде жырланады. Ал, Мағжанда керісінше, 
лирикалық  қаһарманы  көбінесе  махаббатқа  тұрақсыз,  тайқақ,  сезімге 
екіұшты  болып  келеді.  Мысалы:  «Әйелдері  ұятсыз  //  Күнде  сүйгіш, 
тұрақсыз, // Қылмыңдасар, керілер. // Жүздерінің қаны жоқ, // Көздерінің 
жаны жоқ, // Еркектері - «перілер» деген және т.б. өлең жолдары айғақ. 
Абайда махаббатынан айырылған жігіттің «қара көңілі» болса, ал Қасымда 
махаббатына жолығып тұрған жігіттің сезімі «найзағайдың жарқылынан» 
да  күшті  болып  тұр.  Демек,  бұл  лирикалық  қаһармандарға  «күннің 
жарқылы» мен «ай мен күннің шағылысуы» да әсер етпейді. Қысқасы, Абай 
мен  Қасымның  лирикалық  қаһармандарының  сезім  күштілігін  көреміз. 
Міне,  поэзияның  құдіреті  дегеніміз  осы.  Поэзиядағы  «айтпай  айтудың», 
шарттылықтың бір үлгісі. Келешек үшін зор тәлім аларлықтай жігіт пен 
қыздың сезімі. Осы ретте С. Қирабаевтың «Бүгінгі өмірді жырлау ақынның 
өсуімен,  шеберлігінің  жетілуімен,  байқағыштығы  және  ойшылдығымен, 
өзіндік  сипаттарының  молдығымен,  яғни  ақынның  ақыл,  талантының 
дәрежесімен өлшенеді... Егер ол жарқын, ақын жанды адам болса, басқаларды 
қайталамай-ақ,  өз  дәуірі  мен  замандастары  туралы  жаза  алады  [9;  134],  
- дегені құптарлық. Біздің айтпағымыз, Қ. Аманжоловтың бұл жырынан өз 
заманының, дәуірінің махаббатын көреміз. Сондай сезім шынайылығын 
аңсағандай боламыз. Қазіргі күннің махаббаты көбінесе құнсызданып бара 
жатқандығы  адамзатты  ойлантады.  Қазіргі  сезім  –  «тұрмыстың»  құлы, 
«қалталының» күңі. Шыны керек, отбасын құру ойыншыққа айналып бара 
жатқандығы қынжылтады. Үйленіп үй болудан ажырасу, ойран көп. Бұл, 
әрине «жалған» сезімнің жемісі екені даусыз.  
Ақын өлеңдерінің ішіндегі лирикалық қаһарманның сезімін ерекше етіп 
көрсеткен «Құз» атты өлеңі не бары үш-ақ шумақтан тұрса да, үлкен жүк 
арқалап тұрған биік пафосты өлең қатарына жатады:
Қабағын түйіп құз тас тұр 
Төңірегіне парық сап.
Шыңында шулап құстар жүр,
Айнала ұшып шарықтап.

серия 
ФИЛОЛОГИЧЕСКАЯ

жүктеу/скачать 1,65 Mb.

Достарыңызбен бөлісу: