Еліміздегі білім беру жүйесіндегі басты мәселенің бірі оқушылардың функционалды сауаттылық мәселесі Сауаттылық әдеттегі және функционалды болып бөлінеді: Әдеттегі сауаттылық – бұл адамның оқу және жазу қабілеті. Бұл көрсеткіш елімізде 99,5%. Функционалды сауаттылық – адамдарға заманауи әлемде тиімді өмір сүруге, жетістікке жетуге көмектесетін өз денсаулығына қатысты саналы таңдау жасау, азамат әрі тұтынушы ретінде өз құқықтары мен міндеттерін жақсы білу, сыни ойлау, фактіні жарнамадан ажырата алу, жеке және кәсіби дамуын бақылауда ұстау сияқты дағды мен қабілет жиынтығы.
Экономикалық ынтымақтастық және даму ұйымы (OECD) бүкіл әлем бойынша 15 жастағы оқушыларды функционалды сауаттылықты анықтау бойынша бағалаудан өткізеді. Ол PISA бағалау жүйесі деп аталады. 2018-жылы жүргізілген бағалау қорытындысы бойынша, Қазақстандағы 15 жастағы оқушылар көлемі орташа мәтінді түсініп, онымен жұмыс істеуді білмейді.
Еліміздегі білім беру саласының алдындда тұрған тағы бір өзекті мәселе – бұл қазіргі пандемия кезіндегі білім берудің сапасы мен онлайн білім берудің болашақтағы салдары.
Білімнің қоғамдағы тұрақтылық пен өзгеріске ықпалы орасан зор. Қазақстан қоғамын жаңғыртуда білімнің атқаратын ролі, ықпалы жоғары. Қоғам дамыған сайын ғылым мен техниканың деңгейі де, оны басқару жүйесі де өзгеріп отырады. Осыған орай маман қызметінің мазмұны жаңарып, жаңа мақсат, жаңа көзқарас, жаңа шешімдер мен жаңа мүмкіншіліктерді қажет етеді. Ондай мүмкіншілік тек білім арқылы келеді.
Білім берудің әлеуметтік институт ретінде қоғамдағы маңыздылығы мен еліміздегі білім беру жүйесіндегі негізгі проблемаларға қатысты өз ойыңызды жазыңыз.
Қоғамның тұрақтануына, дамуына әсер ететін факторларды атаңыз
Білім берудің әлеуметтанулық перспективаларын салыстырып, талдаңыз.
Креденциализм түсінігіне анықтама беріңіз және дәлелді мысалдар келтіріңіз
Білім мен сауаттылықтың маңыздылығы неде? Ресми білім берудің айқын және астыртын қызметтері қандай?
Балаңыз немесе туыстарыңыз үшін қандай мектепті таңдар едіңіз және неліктен?
Білім мен теңсіздіктің арасындағы байланыс қандай?
Білім әлеуметтануының объектісі, пәні, категориялары. Білімнің қоғам өмірінде алытын орны.
Білім беруді әлеуметтік институт ретінде сипаттаңыз
Білім мен ғылымның қоғамның дамуына тигізетін әсерлеріне байланысты пікіріңізді айтыңыз
Білім берудегі электрондық технологиялардың қолдану түрлеріне байланысты мәлеметтерді жинап, кесте арқылы бейнелеу, презентация жасау.
Қазіргі таңда білім әлеуметтік мәртебеге қол жеткізу факторы ретінде.
Білім алу әлеуметтік мобильдіктің құралы ретінде. Пікір айту.
Тақырып бойынша семинар сұрақтары: Әдебиет:
Бринкерхоф Д., т.б. Әлеуметтану негіздері. Оқулық. Ұлттық аударма бюросы. Астана, 2018 https://openu.kz/kz/book/aleumettanu-negizderi
