Г. К. Кенжебаев ҚазаҚстан тарихынан әңгімелер Жалпы білім беретін 11 жылдық мектептің 5-сыныбына арналған оқулық
жүктеу/скачать 6,79 Mb. Pdf көрінісі
|
| Міржақып Дулатұлы (1885–1935) – Алаш
қозғалысының қайраткері, көрнекті ақын. Міржақыптың «Оян, қазақ!» атты тұңғыш жыр жинағы 1909 жарық көрді. Онда: Көзіңді аш, Оян, қазақ, Көтер басты, Өткізбей қараңғыда бекер жасты! – деген сөздері халықтың еркіндікке жету ұраны болды. Осы еңбегі үшін қуғынға ұшырап, бір жыл түрмеге қамалады. Оның «Бақытсыз Жамал», «Азамат», «Тер- ме», «Қазақтар мен қырғыздардың шығу тари- хы» деп аталатын еңбектерінде халық мүддесін қорғау, елін, жерін сүю сөз болады. Орынбордағы «Қазақ» газетінде А. Байтұрсынұлымен бірге жұмыс істеді, оның серігі болды. «Ақ жол», «Еңбекші қазақ» газеттерінде, «Қызыл Қазақ- стан» журналында еңбек етіп, аудармашы- лықпен де айналысты. М. Дулатұлы түрмеден жолдаған хатында былай деп жазады: «...Мен өзімнің бейшара халқымның осы құлдық жағдайынан шығуына көмектесуді өз борышым деп санадым. Саяси саладағы оқиғаларды дер кезінде болжай ал- мадым деп санаймын, ал қазір Кеңес өкіметіне қарсы күрес деп отырғанның бәрі менің қазақ ұлтын дербес, тәуелсіз, бақытты жағдайда көргім келген тілегім ғана». Алаш қозғалысының қайраткерлері өз хал- қының теңдігі мен бостандығы үшін аянбай еңбек етті. Олар азаттық жолындағы күрестің көшбасшылары болды. Алаш қайраткерлерінің арманы тек 1991 жы- лы 16 желтоқсанда орындалып, еліміз шына йы тәуелсіздікке қол жеткізді. Алаш қайрат кер- лерінің қызметіне сипаттама бер. Ә. Бөкейханұлының өмірі мен қызметі туралы әңгіме дайындап кел. А. Байтұрсынұлы қандай оқу құрал дарын жазды? М. Дулатұлының қандай еңбектерін білесің? Міржақып Дулатұлы |