§54. Ұлы жеңіс 1. Берлин үшін шайқас. 1945 жылдың ба-
сында шығыстан кеңес әскерлері, батыстан аме-
рикан, ағылшын әскерлері Германия жеріне
шешуші шабуылға шықты. Фашистер астанасы
Берлин қаласын күшті бекініске айналдырды.
Метроның есіктерін оқ өтпейтін қалқандармен
жапты. Байланысты метро арқылы жүргізді.
Кеңес әскерінің мыңдаған ұшақтары аспан-
нан бомба жаудырса, ондаған мың зеңбіректері
Берлинді жан-жақтан атқылап, жауынгерлер
тіке шабуылға шықты. Қала ішінде жеті күн
ұрыс болды. Кеңес әскерлері қала орталығына,
рейхстагқа да жетті. Рейхстаг төбесіне ержүрек
жауынгерлер Егоров пен Кантария Қызыл ту
тікті. Рейхстаг қабырғасына алғашқы ту тіккен
жа уынгерлердің бірі қазақстандық Рақымжан Қошқарбаев болды.
1945 жылы 2 мамырда Берлин қаласы алын-
ды. Ұлы Отан соғысы аяқталды. 1945 жылы 9 мамыр күні кеңес халқы салтанат- ты түрде жеңіс күнін тойлады. Бұл соғыста кеңес халқы фа шизмді
жеңіп шықты, олар елі мен жерін
қорғап қалды және басқа халықтарды
фашистік құлдықтан құтқарды.
