Допты жасырын беру – доптың лақтырылу бағытын байқатпау әдісі.
Айқасу әрекеті – топтық әрекет түрі. Шабуыл кезіндегі әріптестердің жолдарының айқасуы.
Шұғыл шабуыл – жеке- жеке жүрген қорғаушыларға қарсы көрсететін шұғыл шабуыл.
Төреші – бұл жарыс барысында баскетболшылардың ойын тәртібін сақтауын және оның нәтижелерін белгілеп анықтайтын адам.
Хабарлаушы төреші – ойын барысында көрермендерге команда құрамы соғылған доптар саны, тәртіп бұзған ойыншылардың алаңнан шығарылуы және т.б. туралы хабарлаушы.
Секунд өлшеуші – төреші ойынның басталуы мен аяқталуын, айып уақытын және 24 секундтық уақытты белгілейтін төреші.
Ойын әдісі – ойын кезінде жеңіске жету мақсатымен ойыншының допты үйлесімді алып жүруі, дұрыс орын табуы, қарсыласын алдап, оның іс-әрекетін тежеу әдістері.
Ойын тәсілі – нақты жағдайларда баскетболшының арнайы әдістері мен іс-әрекеттерінің және өзіндік ерекше қабілеттерінің жиынтығы.
Жылжыу тәсілі – алаңда жүру, жүгіру, секіру, тоқтау, бұрылу тәсілдерін қамтитын тәсіл.
Қорғану тәсілі – қорғаныс мақсаттарын жүзеге асыратын тәсіл.
Шабуыл тәсілі – ойынның шабуылдағы қозғалыс мақсаттарын жүзеге асыратын тәсіл.
Құтылып кету – қарсыласының бақылауынан құтылып кеткен шабуылшы ойын жүргізудің ұтымды бағытын ұстауы.
Қозғалыс алдаулары – қорғаушы бақылауынан және жүгіру қарқындылығы мен қозғалысынан құтылу үшін қолданылатын тәсіл.
Допты беру алдаулары – допты бір ойыншыға бергендей боп басқа ойыншыға беру.
