ӘОЖ: 37.025 СТУДЕНТТЕРДІҢ РЕФЛЕКСИВТІ ДАҒДЫЛАРЫН ҚАЛЫПТАСТЫРУ
Мухитова Г.М. – Абай атындағы ҚазҰПУ 6М011900 - Шет тілі: екі шет тілі мамандығының 2 курс магистранты, 7_89_7@bk.ru Ғылыми жетекшісі:Баданбекқызы З.Б. – ф.ғ.к., Абай атындағы ҚазҰПУ доценті,
zaure.badanbekkyzy.51@mail.ru
Берілген мақалада рефлексия, оның сабақтың бір бөлігі ретінде қарастырылуы және рефлексиялық дағдылар
туралы айтылған. Оқу үрдісінде білім алушылардың бойында рефлексиялық дағдыны қалыптастыру жолдары
талқыланған. Рефлексивті білім беру студенттің хабардарлығын емес, жеке даму бағытына, атап айтқанда
өздігінен білім алу қарекетіне сәйкес болмыс құбылысын тануда туындайтын проблемаларды шешу
тәжірибесін бірінші орынға қоюға мүмкіндік береді. Өз ісінің кәсіби маманы бола алатын, жан-жақты дамыған
тұлға қалыптастыру үшін сабақ барысында студенттердің рефлексивті дағдыларды қалыптастыра отырып, әрбір
сабақтағы тақырыптарды оқып-үйрену болашақта не үшін керек екенін біліп, сол арқылы өзін-өзі дамытып,
өзін-өзі талдап, өзін-өзі реттеп, іс-әрекетті қайта ой елегінен өткізіп, жетістіктерді талдай алып отырса, бұл іс-
әрекет білім алушы бойында әдет, дағды болып қалыптасып, келешек мамандығын жақсы таңдап жақсы кәсіби
білікті маман болуына ықпал етеді.
