| Бисмоверол (Bismoverolum) - 7% суспензиясы қоңыр флаконда 100 мл ретінде шығыарылып, бұлшық етке егіледі. Ересектерге 1,5 мл аптасына 2 рет беріледі. Қолданылуы бийохинолға ұқсас келеді. Жанама әсерлерінен тіс аурулары, терінің қабынуы, тоқ ішектің қабынуы (колит), ауыз қуысының кілегейлі қабығының кабынуы болуы мүмкін, сондықтан оларды тағайындағанда сақ болу керек.
Мерездің соңғы кезеңдерінде 4 сатысында гумманың ішіне дәрілер тез сіңірілуі үшін калий иодиді қолданылады.
16.4. Туберкулезге қарсы қолданылатын дәрілер.
Бұл ауру кезінде жасанды заттар және кең спектрлі антибиотиктер қолданылады. Осы дәрілер негізінен туберкулезді тежейді– Кох микобактериясының өсуін тоқтатады (бактериостатыкалық әсер), кейбіреулері бактерияны мүлде жояды. Қазіргі кезде туберкулезге қарсы қолданылатын заттар белсенділігіне қарай үш топқа бөлінеді:
1. белсенділігі ең жоғары дәрілер: изониазид (Isoniazidum), рифампицин (Rifampicinum).
2. белсенділігі орташа келген дәрілер: этамбутол (Ethambutol), этионамид (Ethionamide), стрептомицин сульфаты (Streptomycini sulfas), канамицин (Kanamycinum), циклосерин (Cycloserinum).
3. белсенділігі орташадан төмен дәрілер: пара-аминосалицилат қышқылының (ПАСК) натрий тұзы (Natrii para-aminosalicylas).
1.Белсенділігі өте жоғары дәрілерге: изоникотин гидрозиді қышқылының туындылары: изониазид, фтивазид, метазид, салюзид және т.б. жатады. Осылардың ішіндегі ең күштісі – изониазид.
Достарыңызбен бөлісу: |
