Көп қабатты жалпақ мүйізделген эпителий. Бұл эпителий үнемі түсіп және қайта жаңарып отыратын қалындығы 0,03 тен 1,5 мм-дей құрылым. Ал терінің түкті бөлігіндегі қалыңдығы 170 мкм. эпидермистің құрамында жылтыр қабаты нашар дамыған, ал мүйізделген қабаты 2-3 қатар болып келген мүйізделген жасушалардың жиынтығынан тұрады.
Эпидермис
Қалың теріге жататын саусақ және табан терісінде бес түрлі қабаттары бар. Оларға базальді, тікенекті, дәнді, жылтыр мүйізді қабаттар жатады. Терінің басқа бөліктерінде төрт қана қабаты байқалады. Тері қабаттарында әр түрлі кератиноциттер, Лангерганс жасушасы, макрофагтар, лимфоциттер, меланоциттер, Меркель жасушаларын ажыратады. Бұлардың ішінде ең көбі кератиноциттер. Тері эпидермисінің мүйізделінуі процесіне қатысатын жасуша-кератиноциттер.
