Студенттің білімін пысықтау сұрақтары. 1.Мемлекеттік бюджет дегеніміз не?
2.Қаржы құқығының қазіргі таңда алатын орны
3.Нулификация, девальвация дегеніміз не?
Пайдаланылған әдебиеттер 1.Мемлекет және құқық негіздері. Баянов Е. Алматы. 2001
2.Ғ.Сапарғалиев Қазақстан Респубикасыың Конституциялық құқығы Алматы. 2004
3. Қазақстан Республикасының «Нотариат туралы» Заңы / 1997 ж 14 шілде (өзгертулер мен толықтырулар 2014ж)
4. Қазақстан Республикасының 1999 ж. 23 шілде «Мемлекеттік қызмет туралы» Заңы(өзгертулер мен толықтырулар 2014ж)
5 Қазақстан Республикасының Әкімшілік құқығы. Е.Баянов, А.,2007
6.Ғ.А. Жайлин «Азаматтық құқық» Жалпы бөлім. І Том. Алматы 2003 ж.
7. ҚР Қаржы құқығы, Алматы, ТОО «Издательство «НОРМА-К», 2002
Тақырып 12.Қазақстан Республикасының салық құқығы негіздері. 1.1.ҚР салық құқығының жалпы сипаттамасы мен ұғымы.
1.2.Салық құқығының пәні, құқықтық реттеу әдісі. Салық құқығының қайнар көздері. Салық құқығының жүйесі.
1.3.Салықтың түсінігі. Қазақстан Республикасының заңдарына сәйкес салықтардың түрлері.
Салықтық құқықтың ұғымы Салықтық құқық - заңды және жеке тұлғалардан біржақты өктем, кайтарылмайтын негізде, заң жүзінде белгіленген салықтар мен басқа да міндетті төлемдерді ақшалай түрде бюджетке алу кезінде туындайтын салықтық қатынастарды реттейтін құқықтық нормалардың жиынтығы. Салықтық құқық мемлекеттің салықтық қызметінің барысында пайда болатын қоғамдық қатынастар әрі оның пәні болып табылады.
Қазақстан Республикасының нарық экономикасына бағытталып негізделген қатынастарға көшуіне, сондай-ақ салық салу аясындағы мәселелердің маңызды және әлеуметтік-экономикалық процесстерге ықпалын тигізетін құралға айналуына байланысты салықтық қатынастардың рөлі арта түсуде.
Салық катынастары салықты және бюджетке төленетін басқа да міндетті төлемдерді белгілеу, енгізу және есептеу мен төлеу тәртібі жөніндегі билік қатынастарын, мемлекет пен салық төлеуші арасындағы салық міндеттемелерін орындауға байланысты катынастарды реттейді.
Осыған орай, қандай да болмасын мемлекеттің атқаратын қызметінің ең маңызды, басты түрі - мемлекеттік кіріс. Сол мемлекеттік кірістердің ең негізгілері: салықтар және бюджетке төленетін басқа да міндетті төлемдер.
