6. Карбонаттардың әсері Со2+ катионы карбонаттармен әрекеттесіп, қызыл-көк түсті негіздік тұздар түзеді:
Тәжірибе: 3-4 тамшы кобальт тұзының ерітіндісіне тамшылатып Na2CO3қаныққан ерітіндісін қосып, тұнбаның түзілгенін бақылайды.
7. Натрий гидрофосфатының Na2HPО4 әсері Кобальт(ІІ) катионы натрий гидрофосфатымен күлгін түсті кобальт фосфа-тының тұнбасын түзеді:
Тәжірибе: 3-4 тамшы кобальт(ІІ) тұзының ерітіндісіне 3-4 тамшы натрий гидро-фосфатының ерітіндісін қосқанда түзілген күлгін түсті кобальт фосфатының тұнбасын байқау керек.
Тәжірибені фильтр қағазында да жүргізуге болады, қызыл-қоңыр түсті дақ пайда болады.
Реакцияның жүру жағдайы: 1) реакцияны бейтарап немесе әлсіз қышқылдық ортада жүргізеді;
2) Сu2+ катиондары реакцияның жүруіне кедергі келтіреді.
8. α-нитрозо- β-нафтолдың (Ильинский реактиві) C10H6(NO)OH әсері Со2+ катионы Ильинский реактивімен қызыл түсті ішкі комплексті қосылыс ([C10H6(NO)O]3Co) түзеді:
Co3+ + 3HL → CoL3 + 2H+ α-нитрозо- β-нафтолды қысқаша HL деп жазуға болады.
α-нитрозо- β-нафтол
Тәжірибе: 3-4 тамшы кобальт(ІІ) тұзының ерітіндісіне 3-4 тамшы 1% α-нитрозо- β-нафтол қосып қыздырғанда қызыл-қоңыр түсті тұнбаның түзілгенін байқауға болады.
Ni2+ катионының сапалық реакциялары
Сулы ерітінділерінде никель тұздары жасыл түс береді.
1. Сілтілердің әсері NaOH, КОН ерітінділері Ni2+ катионымен әрекеттесіп, жасыл түсті никель гидроксидінің Ni(OH)2↓ тұнбасын түзеді: NiCl2 + 2КОН → Ni(OH)2↓ + 2KC1 Ni2+ + 2ОН- → Ni(OH)2↓ Түзілген Ni(OH)2 тұнбасы қышқылдарда және аммиакта еріп, көк-күлгін түсті никель аммиакатын түзеді:
Тәжірибе: 3-4 тамшы никель(ІІ) тұзы ерітіндісіне тамшылатып NaOH немесе КОН ерітіндісін қосады, тұнбаның түзілгенін бақылайды.
