3. Қорғасын катионымен реакциясы. Сульфат - ионы қорғасын катио-нымен ақ кристалды қорғасын сульфатының тұнбасын түзеді:
Pb2+ + SO42- → PbSO4↓
PbSO4↓ тұнбасы минералды қышқылдарда жартылай ериді, ал сілтілер мен натрий (аммоний) ацетатында комплексті қосылыс түзіп ериді:
PbSO4 + 4NaOH → Na2 [Pb (OH)4] + Na2SО4
Тәжірибе:
3-4 тамшы натрий сульфатына 2-3 тамшы қорғасын интратын қосқанда PbSO4↓ қорғасын сульфатының ақ тұнбасы түзіледі. Тұнбаның ерігіштігін бақылау керек.
4. Барий родизонатымен реакциясы. Сульфат-ионы барий родизонатымен әрекеттескенде барий сульфатын түзеді, соның әсерінен қызыл барий родизонаты түссізденеді. Реакция жоғары сезімтал: анықтау шегі - 5мкг. Көбіне реакцияны тамшы әдісімен фильтр қағазында жүргізеді.
Тәжірибе:
Фильтр қағазына BaCl2 тамшысы мен натрий родизонаты ерітіндісін немесе родизонат қышқылын H2C6O6 тамызады. Қағазда барий родизонатының қызыл дағы пайда болады. Бұл даққа 1-2 тамшы сульфат ионы бар ерітінді қосқанда дақ түссізденеді.
SО32-- сульфит анионының сапалық реакциялары
Cульфит-ион SО32- пен гидросульфит-ионы HSO2- екі негізді тұрақсыз күкіртті қышқылдың H2SO3 аниондары, ионданғанда бірінші кезеңде орташа (pK1 = 1,85), ал екінші сатысында әлсіз қышқыл (pK2 =7,20) түзіледі. Сулы ерітіндісі – түссіз болып келеді, гидролизденеді, күшті тотықсыздандырғыш болып табылады (сулы ерітіндісінде сульфат ионға дейін ауадағы оттекпен тотығады). Бірақ кейбір күшті тотықсыздандырғыштар, мысалы, металл күйіндегі мырыш қышқыл ортада сульфиттерді күкіртті-сутекке H2S дейін тотықсыздандырады. Сульфит-ионның комплекс түзгіш (лиганда ретінде) қасиеті бар.
Натрий мен калийдің орта сульфиттері суда жақсы ериді, басқа металдардың осульфиттері ережеге сай аз ериді.
Достарыңызбен бөлісу: |
