Қалыптастырушы бағалау: Тапсырма соңында мұғалімнің қорытынды бағалауы «Мадақтау сөздер» әдісі арқылы оқушылардың сабаққа қатысу, тапсырманы орындау деңгейіне қарай жүргізіледі. Жарайсың!, Жақсы!, Талпын!.
ДК-мен жұмыс істеу Деңгейлік тапсырмалар А деңгейі 1. FreeDEXpano программасын қолдана отырып, оқу кабинетінің панорамасын жасаңдар:
1-ҚАДАМ.
Кез келген өздеріңе ыңғайлы жерден (программаның жүктелген нұсқасы бар бумадан) жаңа бума ашыңдар. Ол бумаға freedexpano.swf бумасына *.jpg форматындағы панорама суретін көшіріңдер.
2-ҚАДАМ
freedexpano.swf деген файлдың атауын өздеріңе ыңғайлы кез келген атауға өзгертіңдер, мысалы, klass.swf.
Панорама суретінің атауын өзгертіңдер, ол klass.swf деген файл атауынан басталып, "_" белгісі арқылы шеттің атауымен аяқталуы керек.
Панораманың алдыңғы жағы үшін файлдың атауы "klass"+"_front" → "tklass_front.jpg" болады.
Суреттерді автоматты түрде анықтауға арналған шеттердің атауы бекітілген:
"_front"-текше панорамасының алдыңғы жағына арналған;
"_left"- сол жаққа арналған;
«_right»- оң жаққа арналған;
«_back»- артқы жаққа арналған; «_top»- жоғарғы жаққа арналған; «_bottom»- төменгі жаққа арналған.
3-ҚАДАМ.
klass.swf файлын іске қосыңдар, өзің жасаған панорама көрініп тұратын Adobe Flash Player терезесі ашылады. Дайын панораманы мұғалімге және сыныптастарыңа көрсетіңдер (егер қателесіп, файлдарды қате атасаңдар, freeDEXpano іске қосқан кезде "Images loading error" деген хабарламаны көресіңдер. Файлдардың атауын тағы тексеріңдер).
Фотопанорамаларды жасауға арналған онлайн-құралдарды таңдап, оларды қолдана отырып, Нұр-Сұлтан қ. көшелердің фотопанорамасын жасаңдар.
