Қазақ тіліндегі негізгі түбірлердің дыбыстық құрамы, буын саны жағынан өзіндік ерекшеліктері бар. Рас, ол ерекшеліктер түркі туыстас тілдерге ортақ болып келеді. Қазақ тіліндегі негізгі түбір сөздердің көбі – бір буынды сөздер. Бір буынды негізгі түбірлердің өзі дыбыстық құрамы жағынан түрлі болады. Олар екі дыбыстан (же, де, ел т.б.), үш дыбыстан (бер, бол, бас т.б.), төрт дыбыстан (қант, қайт, қарт т.б.) құралады. Буында дауысты, дауыссыз дыбыстардың орналасуына қарай олар ашық, тұйық, бітеу буынды негізгі түбірлер болып та бөлінеді. Бұл – түркі тілдерінің бәріне ортақ құбылыс. Түбірдің түрлері жағынан алғанда, бір буынды сөздердің ішінде бітеу буынды бір буынды сөздер ең көбі. Сонымен бірге екі буынды негізгі түбір сөздер де баршылық.
Достарыңызбен бөлісу: |
