Мицелиальды саңырауқұлақтар. Концетрациялы жеміс шы-
рындарын ұзақ уақыт сақтағанда олардың беткі қабатында жуан
мақта тəріздес ақ жəне боялған қабықты саңырауқұлақтар пайда
болады. Кейде қабығы түседі. Саңырауқұлақ мицелиінің бөліктері
сұйықтықта да пайда болуы мүмкін. Пеницилді жəне аспергильді
саңырауқұлақтарда кəдімгі көгерген зеңнін дəмі шығады. Олар глю-
конды, қымыз қышқылын жəне т.б. қышқылдарды түзе отырып,
жемісті қышқылдарды ыдыратады. Мицелиалды саңырауқұлақтар аэ-
робты болып табылады жəне алкогольсіз сусындарда сирек кездеседі.
Алайда олардың кейбіреуі (Mucor, Rhizopus) ашуға қабілетті. Сусын-
дар өндірісінде мицелиалды саңырауқұлақтар қабырғаларда пай-
да болады. Сусындардың тұрақтылығын жоғарылату үшін əртүрлі
технологиялық тəсілдер мен əдістер қолданылады: қайнату, пастер-
леу, анаэробты жағдайлар туғызу мен консерванттарды (юглона,
натрий бензоаты, сорбин қышқылы, аскорбин қышқылы жəне т.б.)
қосу.
