Глоссарий: Анод – тоқ көзінің оң полюсіне қосылатын электролитикалық ваннаның және басқа да қондырғылардың электроды.
Катод – тоқ көзінің теріс полюсіне қосылатын электролитикалық ваннаның, электрлік доғаның электроды.
Электролиз – электрлік тоқ өту кезінде электролитке батырылған электродта өтетін электрхимиялық тотығу-тотықсыздану үрдісінің жиынтығы.
Гарнисаж – шикіқұрам мен газдардың өзара физика-химиялық әрекеттесуінің нәтижесінде металлургиялық агрегаттар қабырғасының жұмыс бетінде пайда болатын балқытылған материалдар немесе қождан тұратын қатты қорғаныс қабат.
Хлоратор – шикізат материалдарының құнды компоненттерін хлоридтерге аудару мақсатында қолданылатын кен концентраттарын хлорлауға арналған қондырғы.
Титан губкасы – титан тетрахлоридінен магниетермия жолымен алынатын кеуекті титан; титан өндірісінде жартылай өнім болып табылады.
