|
2021-2022 оқу жылының 6 «Ә» сыныбын 34 оқушы аяқтады. Оның 15-і ұл, 19-і қыз бала. 8 оқушы оқу жылын оқу озаты болып аяқтаса, 26 оқушы оқу екпіндісі болды. Тәрбие жұмысының мақсатын басшылыққа ала отырып, сыныпта тәрбие жұмыстарын жүргізу негізінде, орындаушылық тәртібіне, атқарған жұмыстарына жауапкершілікпен, іс-әрекетіне сын көзбен қарауға, өзін қоршаған ортаға қолайлы атмосфера туғызуға, жақсы қарым-қатынас орнату мәдениетіне тәрбиелеуге баса назар аударылды. Тұтас тәрбие процесінің барысын әрбір тәрбиелеушінің жеке тұлға ретінде дамуын, оның адамгершілік сапаларының қалыптасуына бақылау жасау барысында өзін-өзі тәрбиелеуге мүмкіндік жасалынды. Оқушылардың қасиеттерін, құндылықтарын анықтау арқылы оқушының өзін-өзі тануына, тәрбиеленуіне жағдай жасалынды. Оқушылардың сабақ үлгерімдері мен өзін ұстаулары қадағаланды. Оқу жылы барысынды тәрбие сағаттары өтті, олардың тақырыптары оқушылардың жас ерекшеліктеріне сай таңдалынып, өткізілді. Сынып оқушылары тәрбие сағаттарына белсене қатысып, өз ойларын бөлісті.
Сынып оқушыларының оқу жұмысын ұйымдастыруда денсаулығына байланысты сабақтан көп қалған оқушылармен және олардың ата-аналарымен жұмыс жүргізілді. Балалардың дамуына жағдай жасау, олардың танымдық қызығушылығын қалыптастыруда оқушылардың үйірмелерге, дамыту сабақтарына, олимпиадаларға, жарыстарға қатысу шаралары ұйымдастырылды.
Сынып оқушылары ұжым ретінде қалыптасқан, ынтымақтастық, ұйымшылдық, бір- біріне деген сыйластық, адамгершілік қасиеттері бойларына сіңірген. Сынып оқушылары берілген тапсырмаларды жауапкершілікпен атқара алады.
|
