Неврит ауруына шалдыққан адамға комплексті ем қолданылады. Дәрі-дәрмек, физиотерапия, массаж, ЛФК. Емдеу мерзімі ұзақ, кем дегенде 8 айға созылады. Өйткені жүйке талшықтарының қайта қалпына келуі өте жәй, біртіндеп өтеді. Сондықтан алғашқы кезде адамның өзі орындай алатын қарапайым жаттығулар жасалады. Әр қимыл-қозгалыс ыңғайлы қалыпта, жылы ванна қабылдап, денені босаңсытқан соң оңай орындалады. Жарымжан болған аяқ немесе қол қимылдау үшін жылтыр тақтай, стол, кішкене дөңгелек орнатқан сырғанақ арба керек, солар арқылы қозғалу жеңілірек болады. Жаттығулар байыппен, асықпай, орташа жылдамдықпен орындалады.
Неврит ауруына шалдыққан адамға комплексті ем қолданылады. Дәрі-дәрмек, физиотерапия, массаж, ЛФК. Емдеу мерзімі ұзақ, кем дегенде 8 айға созылады. Өйткені жүйке талшықтарының қайта қалпына келуі өте жәй, біртіндеп өтеді. Сондықтан алғашқы кезде адамның өзі орындай алатын қарапайым жаттығулар жасалады. Әр қимыл-қозгалыс ыңғайлы қалыпта, жылы ванна қабылдап, денені босаңсытқан соң оңай орындалады. Жарымжан болған аяқ немесе қол қимылдау үшін жылтыр тақтай, стол, кішкене дөңгелек орнатқан сырғанақ арба керек, солар арқылы қозғалу жеңілірек болады. Жаттығулар байыппен, асықпай, орташа жылдамдықпен орындалады.
Аяқтың жүйке жүйесі зақымданса, оның тірек қызметін арттыруға баса назар аударылады. Алдымен шалқадан жатып, аяқты бірдеңеге тіреп, бүгіп-жазады. Одан кейін тізерлеп тұрып әр түрлі жаттығуларды орындайды. Таяқ ұстап жүруге дағдылану үшін арқа, бел, иық бұлшықеттерін шынықтырады.Жүрген кезде аяқ ұштарын дұрыс қою, баспалдақпен көтерілгенде денені тік ұстау.
Қол жансызданған кезде әр түрлі заттарды саусақтармен, алақанмен уыстап ұстауға дағдыландырады. Сол сияқты губка, резинка доптарды қысып-жазып жаттықтырады. Осындай жаттығуларды күніне 4—6 рет қолдану керек.
Радикулит немесе құяң ауруыбел омыртқаларының тұсында жиі кездеседі. Ол өзінше жеке немесе остеохондроздың салдарынан болады. Спортсмендер арасында омыртқа зақымданған кезде: оқыста құлап қалу, артық салмақ түсіру, қатты қайқайып кету сияқты омыртқа жотасының қиналуы радикулитке әкеліп соғады.
Радикулит немесе құяң ауруы бел омыртқаларының тұсында жиі кездеседі. Ол өзінше жеке немесе остеохондроздың салдарынан болады. Спортсмендер арасында омыртқа зақымданған кезде: оқыста құлап қалу, артық салмақ түсіру, қатты қайқайып кету сияқты омыртқа жотасының қиналуы радикулитке әкеліп соғады.
Ең негізгі белгілер:белі қатты ауырып, ол аяғына беріліп, жүре алмай қалады. Қимыл-қозғалыс толық орындалмай, алға еңкею, бір жағына бұрылу мүмкін болмайды. Ауру жақтағы аяқ созылмай, бұлшықеттер әлсіреп, бөксенің, сан мен балтыр бұлшықеттері семиді. Қатты ауырғандықтан адам бір жағына қисайып қалады. Мұның өзі ұзаққа созылса, кейде омыртқаның қисайып, сколиоз ауруына шалдығуына душар етеді.Бұл ауру ұзаққа созылады. Оқыста суық тисе, жарақаттанып қалса мұндай созылмалы ауру асқынып, барлық белгілері қайта байқалады. Бұл кезде бірден ауруханаға жатқызылады. Аурудың беті қайтып, асқынуы басылысымен емдік гимнастика тағайындалады.
Оның негізгі мақсаты— қан айналымын жақсартып, арқа бұлшықеттерін жетілдіру және қатты аурудан пайда болған контрактураны (еттің түйілуі) болдырмау, денені түзету т. б.
