Сыныбы: 1 «Б» Сынып жетекшісі: Әбдібахы Л 2023-2024 оқу жылы
Алғы сөз.
Денсаулықты сақтау үшін салауатты өмір салтының негізі, бұл-қимыл белсенділігі, түрлі дене жаттығулары,сергіту сәттері. Дене белсенділігі-бұл шипалы күш.Әйгілі ғалым Н.М.Амосов былай деген: “Дені сау болу үшін қозғалу керек.Денсаулыққа тек дене шынықтыру арқылы жетуге болады”.Дене белсенділігі адам ағзасын дамытып, жұмыс істеу қабілетін арттырады, ауруды аластатып, өмірді ұзартады. Аз қимылдау ағзаның дамуына кедергі келтіреді, семіздікке әкеліп соғады. Адам денесіне артық салмақ қосады. Ал сергіту сәттері оқушыларға күш–қуат береді. Сергіту сәттері оқушылардың зейінін тұрақтандыруда,денесін сергіту,демалдыру үшін өте қажетті де, пайдалы. Бастауыш сынып оқушылары қимылмен көрсеткен өлең жолдарын тез жаттайды.Ал сергіту сәттері күніне бірнеше рет қайталанып отырады ,оқушылар қысқа өлеңдерді тез жатап алады,есіне сақтайды.
Бала,бала,балақан, Қане ,қайсы алақан? Саусақтарың әйбат Былай-былай ойнат. Топ-топ-топ-топ басайық, Жалаудан күн жасайық, Жаса-жаса алтын күн, Жаса-жаса жарқын күн!
Қанаттады жазайық, Аққуша тез қағайық, Бір отырып,бір тұрып, Демімізді алайық.
Иіл оңға,түзу тұр! Иіл солға, түзу тұр! Алға қарай бір адым Жоғары-төмен қарайық, Орнымызды табайық.
Аспанды бұлт торлады, Жаңбыр жауды себелеп. Жапырақты жамылып, Бұға қалды көбелек. Он рет оң қолмен, Он рет сол қолмен, Көтеремін гиріңді, Таянып ап бүйірді.
Қолымыздан ұстайық, Үлкен шеңбер құрайық. Тербелейік теңіз боп, Толқын болып толқиық.
Мен құрылысшы боламын, Биік үйлер саламын. Кіп-кішкентай болсам да, Биік менің арманым.
Қуыр-қуыр-қуырмаш, Бидай салам,қолыңды аш, Төгіп алма,күлем деп, Балапанға барып шаш!
Аяқты алшақ қоямын Жұдырықты түйемін. Қос қолымды жоғары Көтерем де иемін. Көтерілген қолымды Қапталыма түсірем. Тіктеп ұстап денені, Бәрі айнала жөнелді. Тоқтамайды аяғым, Дөңгелене беремін.
Өн бойымды тік ұстап, Таянамын бүйірді. Бастап кетем дұрыстап, Сәйгүлікше жүруді. Бір!Екі! Бір!Екі!
Епті болса екі қол, Шебер болса он саусақ, Биік үйлер саламыз, Қашпас дәулет,кетпес бақ. Ғарышкер де боламыз, Көктен жұлдыз теріп ап.
Қуыршақтар ұйықтайды, Айтқаныңнан шықпайды. Ашып-жұмып көздерін, Бір отырды,бір тұрды. Бала, бала баламыз Бақшаға барамыз Күні бойы қызыққа Батамыз да қаламыз.
Қане балалар тұрайық, Қолды белге қояйық Оң аяқ, сол аяқ Шынығып алайық.
Біз аяқпен топылдаймыз, Біз қолмен шапалақтаймыз. Б аспен біз шайқаймыз Қолымызды көтереміз Одан кейін ақырын Орнымызда жүгіреміз. Сағаттың тіліндей, иіліп оңға бір, С ағаттың тіліндей, иіліп солға бір. Оң аяқ, сол аяқ. Жаттығу оңай-ақ.
Жел еседі бетімізге, Шалқаяды ағаштар. Желге айтамын тыныш-тыныш Тынышталсын ағаштар.
Ішке тартып ауаны, Деміңді алшы тереңнен. Денсаулықтың жауабы Қайталасаң менімен.
Аю, аю тұршы, Беті қолыңды жушы Айнаға қарашы, Шашыңды тарашы. Орманда кірпі келеді, Саңырауқұлақ тереді. Кездесті, міне, керегі: Екеуі қайың астынан. Б іреуі терек қасынан. Қанша олар болмақ есепте, Тоқылған салса себетке?
