Сабақтың мақсаты: адам бойындағы этикалық және эстетикалық қарама-қайшылық диалектикасын ашу және ХХ ғасыр басындағы қазақ ойшылдарының көзқарасы тұрғысынан осы қарама-қайшылықтарды шешуі мүмкін әдістерді талдау.
Тақырыпты меңгеруге арналған ұсыныстар:берілген тақырыпта адам бойындағы этикалық және эстетикалық ара қатынас туралы мәселе қойылған. Берілген тақырыпты игеру мақсатында М.Ж.Көпеев, С. Торайғыров және Ж. Аймауытовтардың көзқарасы тұрғысынан эстетикалық және этикалықтың мәні мен табиғатын анықтау қажет. Қазақ ойшылдары позициясынан олардың шығармашылықтарын мысалға ала отырып, салыстырмалы аспектіде адам бойында эстетикалықтың бой алуы себептеріне көңіл аударыңыз. М. Ж. Көпеев, С. Торайғыров және Ж. Аймауытовтардың ұсынған этикалық және эстетикалықтың қарама-қайшылығын шешу әдістерін анықтаңыз.
