2) Оқу процесін жүргізу мұғалімнің оқытушылық қызметінің екінші
элементі болады. (Автор осы элементтің мәнін оқытушылардың оқу қызметінің
генетикалық және функционалдық деген екі үлгісінің негізінде көрсетеді).
Педагогтің басқарушы әрекеттері көзқарасынан осы үлгілер арасында түбегейлі
айырмашылықтар жоқ.
Л.М.Фридманның пікірі бойынша, мұғалімнің оқу тақырыбын зерделеу
процесін жүргізуі үш кезеңнен тұрады:
1) Кіріспе-уәждеу кезеңі, онда мұғалім:
- оқу пәнінің жүйесінде осы оқу тақырыбының орнын және мазмұнын,
осы тақырып не үшін зерделенуге тиіс екендігін анықтау мақсатында
проблемалық жағдайды құрастырады;
- оқушылардың алдында тұрған оқу-танымдық қызметінің мақсаттары
мен міндеттерін қалыптастырады;
- тақырыпты зерделеу жоспарын түсіндіреді, олар игеруге тиіс білімдер,
ептіліктер мен дағдылар (пәндік және оқыту) минимумын көрсетеді;
- оқушылардың үйдегі өзіндік жұмысының мазмұны және оны орындау
тәртібі жөнінде нұсқаулар береді.
