Протагордың айтуынша, бәрі де салыстырмалы, еш жерде соңғы ақиқат, құнды моральдық қағидалар, нормалар т.б. жоқ. Демек, өз пікіріңді дәлелдей біл, айтыста өз ойыңның артықшылығын көрсет, қарсы пікірдің әлсіз жағын табуға талпын.
«Адам қарастыратын ақиқаттың бәрі салыстырмалы болса, оларды салыстырып, пайдалысын таңдай біл, оны басқаларға дәлелдеп, көздерін жеткіз. Сонда ғана даналық деңгейге көтерілуге болады».
Софистер дүниенің қайшылығын ақыл-оймен бейнелеу арқылы жасалатын пайымдаудың аумалы-төкпелі, іштей қайшылықты болатынына көз жеткізеді.
Логика, риторикада осы кезге дейін ғалымдарды ойландыратын проблемаларды көтерді. Мысалы, «Егер алдаушы мен алдадым десе, онда оның шындықты айтқаны» деген пікірдің шешімі осы уақытқа дейін табылған жоқ деп есептеледі.
«Адам – барлық заттың өлшемі, дүниенің барының бар екенін, жоғының жоқтығын
көрсетеді» .
«Адам – өлшем» дегеніміз, зат маған қандай
болып көрінсе, ол сондай, ал саған керісінше көрінсе, ол сен үшін сондай.
