Кәсіпкерлік тәуекелді сақтандыру - сақтандырудың ерекше саласы. Сақтанушының агенттерінің өз міндеттемелерін бұзуы себепті кәсіпкерлік қызметтен болған залалдар тәуекелін немесе кәсіпкерге байланысты емес жағдайлармен осы қызмет шарттарының өзгеруінен болған залалды өтеу көзделеді, соның ішінде күтілген кірісті толық алмай қалу қаупі сақтандырылады. Кәсіпкерлік тәуекелді сақтандыру шарты бойынша тек сол сақтанушының кәсіпкерлік тәуекелі және тек соның пайдасына ғана сақтандырылуы мүмкін.
Сақтандыру субъектілері:
Сақтанушы – Кәсіпкерлік қызметпен айналысатын заңды немесе жеке тұлға. Сақтандыру шарты бойынша кәсіпкердің өзінің ғана кәсіпкерлік тәуекелдері ғана сақтандырылады.
Сақтандырушы –кәсіпкерлік тәуекелдері сақтандыруға лицензиясы бар сақтандыру ұйымы.
Сақтандыру объектісі: Кәсіпкерлік іс-әрекеттің материалдық және қаржы ресурстарымен, табыстарымен байланысты мүліктік мүдделер.
Сақтандыру нысандары:
Келісім шарт бойынша кредитор болып табылатын Сақтанушының контрагенттерінің келесім шарт бойынша міндеттемелерін орындамауы немесе тиісті деңгейде орындамауы;
Сот шығындары және т.б. кәсіпкерлікпен байланысты шығындары.
