Клаус Шваб Төртінші индустриялық революция
Автономды көлік құралдары
жүктеу/скачать 4,97 Mb. Pdf көрінісі
|
| Автономды
көлік құралдары Ең басты жаңалық болып саналатын жүргізушісіз көлік құралдары қазір басқа да жекелеген көлік түрлерінде, жүк көліктерінен бастап, дрондарда , əуе жəне су кемелерінде де тəжірибелік қолданысқа еніп жатыр . Мұндай технологияны сенсор (sensor) жəне жасанды интеллект ретінде мүмкіндігінше дамыту жекелеген көлік құралдарының қуатын тым жедел қарқынмен өсіреді. Арзан, коммерциялық тұрғыдан қолжетімді алуан түрлі əуе жəне суасты дрондарын тəжірибеге енгізу – жуықтағы бірнеше жылдың еншісінде. Қоршаған ортаны кең жəне терең тануға байланысты дрондардың мүмкіндіктерін дамыту жəне оны басқару қабілетін жетілдіру (қақтығысып қалмау үшін ұшу бағытын бірден өзгерте алу) арқылы олар шалғайдағы электр сымдары жүйесін тексеру немесе əскери қауіпті аймақтарға медициналық жабдықтар жеткізу сияқты күрделі қызметтерді атқаратын болады. Сол сияқты, оны ауыл шаруашылығында мағлұматтарды талдаумен астарластыра пайдалану, жер суару мен тыңайтқыш сіңіруді əлдеқайда тиімді қамтамасыз ете алады.) 3D басып шығару 3D басып шығару (аддитивті өндіріс деп те аталады) – цифрлық 3D суреттен немесе модельден қатпарлы (layer upon layer) басып шығару арқылы физикалық нысанды құрастыратын үрдіс. Бұл – бүгінгі күнге дейін өндірісте қолданылып келе жатқан, яғни материалдың əрбір қатпары қабат-қабат қаланып, тұтас пішімге жеткенше бірінен кейін бірі ретімен жасалатын негізгі дəстүрлі (субтрактивті) əдіс-тəсілге қарама -қарсы. 3D басып шығарудың артықшылығы ол шикізат түріндегі материалдан басталады жəне цифрлық шаблонның негізінде нысанның үшөлшемді пішінін жасап шығарады. Бұл технология ауқымды салалардан бастап (жел құрылғылары), ең шағын қызметке (медициналық импланттар (implants)) дейін кең қолданысқа енеді. Қазіргі кезде бұл əдіс – автомобильдік, аэрокосмостық жəне медициналық салаларда ғана қолданылуда. Жалпы көпшілікке арналған өндіріске қарағанда, 3D басып шығару өнімдері қолданушылардың талаптарына жедел бейімделе алады. Қазір көлемі, бағасы мен жылдамдығына байланысты шектеулерді жеңу жағынан 3D басып шығару өз ауқымына электрондық компоненттерді кіріктірген монтаждау тұғырнамалары, тіпті жасушалар мен адам ағзасының мүшелері сияқты салаларға да кең таралып отыр. Ал зерттеушілер өзін- өзі өзгерте алатын өнімдердің жаңа легін жасайтын жəне қоршаған ортаның өзгерістеріне, соның ішінде температуралық, дымқылдық деңгейін анықтауға қабілетті 4D технологиясы бойынша жұмыс істеп жатыр . Бұл технология киім-кешек, аяқ киім, сол сияқты медициналық өнімдер , мəселен, адам ағзасына бейімделгіш Импланттар өндірісінде пайдаланылуы мүмкін. жүктеу/скачать 4,97 Mb. Достарыңызбен бөлісу:
|