631 бап. Активтер мен міндеттемелер туралы декларацияны жасау ерекшеліктері 1. Активтер мен міндеттемелер туралы Декларация осы Кодекстің 630-бабының 1-тармағында көрсетілген жеке тұлғалардың Қазақстан Республикасында және оның шегінен тыс жерлерде бар екендігі туралы ақпаратты көрсетуіне арналған :
…
2) Қазақстан Республикасындағы және (немесе) одан тыс жерлердегі мүлік :
…
бағалы қағаздар, туынды қаржы құралдары (орындалуы базалық активті сатып алу немесе өткізу жолымен жүргізілетін туынды қаржы құралдарын қоспағанда),цифрлық активтер;
…
4. Активтер мен міндеттемелер туралы декларацияда жеке тұлғаның қалауы бойынша осы мүліктің бірлігі үшін баға (құн) республикалық бюджет туралы заңда белгіленген және есепті салық кезеңінің 31 желтоқсанында қолданылатын айлық есептік көрсеткіштің 1000 еселенген мөлшерінен асып кеткен жағдайда, Қазақстан Республикасының бағалау қызметі туралы заңнамасына сәйкес бағалаушы мен салық төлеуші арасындағы шарт бойынша осындай декларацияны табыс еткен күннен кешіктірмей жүргізілген бағалау туралы есепте айқындалған құн болған кезде басқа мүлік көрсетілуі мүмкін..
Осы тармақшаның бірінші бөлігінің ережесі Мемлекеттік немесе өзге де тіркеуге жататын мүлікке, сондай-ақ құқықтары және (немесе) мәмілелері мемлекеттік немесе өзге де тіркеуге жататын мүлікке қатысты қолданылмайды.
"Қазақстан Республикасының кейбір заңнамалық актілеріне цифрлық технологияларды реттеу мәселелері бойынша өзгерістер мен толықтырулар енгізу туралы" Қазақстан Республикасының Заңымен электрондық активке қатысты "Ақпараттандыру туралы" Қазақстан Республикасының Заңына толықтырулар енгізілді. Анықтамалық: цифрлық актив-қаржы құралы болып табылмайтын, криптография және компьютерлік есептеулер құралдарын қолдана отырып, электрондық-цифрлық нысанда жасалған мүлік, сондай-ақ мүліктік құқықтарды куәландырудың электрондық-цифрлық нысаны; "Ақпараттандыру туралы" заңмен цифрлық актив төлем құралы болып танылмайды, оған "мүлік"мәртебесі берілді. Осыған байланысты "активтер мен міндеттемелер туралы декларацияда" көрсетілетін мәліметтер тізбесін криптография және компьютерлік есептеу құралдарын қолдана отырып, электрондық-цифрлық нысанда жасалған мүлікпен толықтыру қажет. Оның ішінде цифрлық активтер айналысының құқықтық режимі белгіленген ("Ақпараттандыру туралы"ҚРЗ 33-1-Б.).
Жеке тұлғалардың кірістерін саралап бақылау және әкімшілендіру мақсатында декларация табыс етілетін салық кезеңінде мүлікті бағалауды жүргізуге міндеттейтін нақтылаушы нормамен толықтыру қажет.
