118-бап.Салық төлеушінің (салық агентінің) банктік шоттары бойынша шығыс операцияларын тоқтата тұру
1. Салық төлеуші (салық агенті) – заңды тұлғаның, заңды тұлғаның құрылымдық бөлімшесінің, Қазақстан Республикасында қызметін тұрақты мекеме арқылы жүзеге асыратын бейрезиденттің, дара кәсіпкер, жеке практикамен айналысатын адам ретінде тіркеу есебінде тұрған жеке тұлғаның, оның ішінде жеке тұлғаның банктік шоттары (корреспонденттікті қоспағанда) бойынша шығыс операцияларын тоқтата тұру Қазақстан Республикасының заңдарында айқындалған тәртiппен мынадай:
…
8) салық төлеуші (салық агенті) жеке тұлғалардың салық берешегі туралы хабарлама табыс етілген күннен бастап отыз жұмыс күні өткен соң республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 6 еселенген мөлшерінен астам мөлшерде салық берешегін өтемеген жағдайда, оны тоқтата тұрады. …
Жеке тұлғалардың берешек сомаларының мөлшерін ескере отырып, салық төлеушілердің негізгі бөлігі берешек сомасынан басқа, ТШИ кірісіне берешек сомасының қосымша 20-25 пайызын төлеуге мәжбүр.
Мәселен, 2022 жылғы АЕК 3063 теңгеге тең болған жағдайда салық төлеуші 183780 теңгеге дейінгі берешек сомасы бойынша берешек сомасының 25% – ын, ал 183780 теңгеден 918900 теңгеге дейінгі сома бойынша берешек сомасының 20% - ын қосымша төлеуге тиіс.
Бұл ретте ТИ тәжірибесінде салық бұйрығының орындалуын қамтамасыз ету жөніндегі шара ретінде негізінен банктердегі ақша қаражатына тыйым салуды пайдаланады.
Жеке тұлғаның салық міндеттемесін мерзімінде орындамағаны үшін салық бұйрығы шығарылғанға дейін шығыс операцияларын тоқтата тұруды пайдалану ұсынылады, яғни салық бұйрығын салық төлеушінің банк шоттары бойынша шығыс операцияларын тоқтата тұрғаннан кейін белгілі бір уақыттан кейін шығару ұсынылады.
