- қоршаған ортада өнер, дизайн мен технология туралы түсінік мен білімді дамытуға;
- Қазақстан мен әлем халықтарының көркем-мәдениет мұрасын оқып үйренуге;
- өнер мен дизайнның көркем тәсілдері арқылы шығармашылық идеяларды, технологиялық дағдыларды дамытуға;
- зерттеу, жасау, талдау, нысандарды көркем түрлендіру үдерісінде оқушылардың шығармашылық және сыни тұрғыда ойлау дағдыларын дамытуға,
- оқу қызметінің барлық түрлерінде АКТ-ны пайдалану арқылы тәжірибе алуға (зерттеу, идеялардың шығармашылық түрде іске асуы, жұмыстардың таныстырылымы);
- жұмыс нәтижесі үшін түрлі ақпарат көздері мен ресурстарының маңыздылығын түсіне отырып, зерттеу мен пайдалануға;
Визуалды өнер бөлімінің мазмұны: классикалық және заманауи өнерді, Қазақстандық суретшілердің шығармашылығын, бейнелеу өнері жанрлары мен түрлерін оқып үйренуді; сандық өнерін (фотосурет, анимация, медиа құралдар және т.б.); бейнелеу (визуалды) өнерінің көркем тәсілдерін; көркемдік материалдар мен техникалармен эксперименттеуді қарастырады.
Сәндік-қолданбалы шығармашылық бөлімінің мазмұны: сәндік-қолданбалы өнер ерекшеліктері мен негізгі пішіндері; Қазақстанның және басқа елдердің сәндік-қолданбалы өнері; СҚӨ материалдары, технологиялары мен құралдары; ұлттық ою-өрнек; ішкі көріністі сәнді безендіру қарастырылады.
Сәндік-қолданбалы шығармашылық бөлімінің мазмұны: сәндік-қолданбалы өнер ерекшеліктері мен негізгі пішіндері; Қазақстанның және басқа елдердің сәндік-қолданбалы өнері; СҚӨ материалдары, технологиялары мен құралдары; ұлттық ою-өрнек; ішкі көріністі сәнді безендіру қарастырылады.
Дизайн және технология бөлімінің мазмұнына (ұлдар): негізгі конструкциялық, табиғи, жасанды және дәстүрлі емес материалдар, оларды түрлі әдістер арқылы өңдеу; материалдарды өңдеу құралдары мен жабдықтары; әртүрлі материалдардан бұйым дизайны; ұлттық тұрмыстық заттарды дайындау технологиясы, қазақстандық және әлемдік сәулет ескерткіштері, макеттеу, ішкі көрініс дизайны; робототехника, көлік құралдарын модельдеу кіреді.
