Топтар мен командалар дамудың төрт сатысынан өту барысында рөл құрылымы, нормалар, команданың күрделілігі және бейресми басшылық секілді төрт маңызды сипатқа ие болады.Команданың әр мүшесінің топта атқаратын өзіндік орны немесе рөлі бар. Біреулер басқарумен айналысса, екіншілері жұмыс істейді, ал үшіншілері басқа командамен байланыс жүргізеді. Рөлдер – топтың мақсаттарына жету жолында топтағы жеке тұлғалардың атқаратын қызметі. Топтың рөлдік құрылымы – топ немесе команда мүшелері анықтайтын және қабылдайтын рөлдер арасынан айқындалған қарым-қатынастар жиынтығы. Әрқайсысымыз әртүрлі топтарға мүшеміз және жұмыста, сыныпта, отбасында және әлеуметтік ұйымдарда дәл сондай түрлі рөлдерді ойнаймыз. Рөлдер мен рөл құрылымдары топ ішінде жүретін рөл эпизодтары сериялары арқылы қалыптасады. Рөл дамуының алғашқы екі сатысы топ мүшелері жеке тұлғаларға олардан не күтілетінін білдіретін топ процестерінен тұрады. Қалған екі бөлік топ мүшелері өз рөлдерін қабылдап және оларды атқаратын тұлғалық процестерден тұрады. Десек те, үлкен келеңсіздіктер болған кезде топ мүшелері рөлдік екіұштылыққа, рөлдік конфликтіге, рөлге шамадан тыс жауапкершілік артуға тап болады. Рөлдің екіұштылығы – берілген рөлдің айқын болмауы салдарынан топ мүшесі өзінен не күтетінін білмей дал болуы. Рөл конфликті – берілген рөлді құрайтын хабарламалар мен лебіздер анық, бірақ өзара қайшы болуы немесе бірін-бірі жоққа шығаруы. Рөлге шамадан тыс жауапкершілік арту – тұлғаның мүмкіндігі рөлге жүктелген талаптарға сәйкес келмегенде пайда болады. Дегенмен осы мәселелердің біреуі бола қалса, оларды басқару оңайға түспейді. Достар мен мүдделі топ мүшелері арасындағы қарымқатынас ресми құрылым арқылы немесе олардың рөлдері сипатталған құжаттар арқылы реттелуі сирек болғандықтан, команда мүшелері олардың ешқайсысына сүйене алмайды.
Төмен статустағы адамдардың пікірін тыңдауды жазыңыз.
