Лабораториялық жұмыс «МЫС(ІІ) ЖӘНЕ ТЕМІР(ІІІ) ИОНДАРЫН БІР-БІРІНЕН БАҒАНАЛЫҚ ХРОМАТОГРАФИЯ ӘДІСІМЕН БӨЛУЖӘНЕ ТАҒАМ ӨНІМДЕРІНДЕГІ ТЕМІР(ІІІ) ИОНЫН ҚАҒАЗДЫҚ ХРОМАТОГРАФИЯ ӘДІСІМЕН АНЫҚТАУ»
Жұмыстың мақсаты: Мыс(ІІ) және темір(ІІІ) иондарын бір-бірінен бағаналық және қағаздық хроматография әдістерімен бөлу. Тағам өнімдеріндегі темір(ІІІ) ионын анықтау.
Жұмыстың орындалу тәртібі: 1 тәжірибе. Мыс (ІІ) және темір (ІІІ) иондарын бір-бірінен бағаналық хроматография әдісімен бөлу Диаметрі 1 см шыны түтіктен хроматографиялық бағана дайындайды: түтіктің төменгі жағына мақта қабатын (0,5 см) орналастырады, оның жоғарғы жағынан биіктігін 2,5-3 см етіп алюминий оксидін салады. Дайын болған бағананы штативте тұрған сынауыққа орналастырады.
Таза сынауыққа қоспа дайындайды: 1,5 мл 0,05 % CuSO4 ерітіндісі және 1,5 мл 0,05 % FeCl3 ерітіндісі. Осы қоспаны хроматографиялық бағанаға құяды. Тамшылау жылдамдығы онша тез емес. Қоспадағы компоненттер жеке аумақтарға бөлінгеннен кейін, бағана арқылы 3 мл 1 % калийдің гексацианоферратын(ІІ) жіберіп айқындау жүргізеді. Fe3+ иондары бар аумақ қарқынды көк түске боялады, ал Cu2+ иондары бар аумақ қоңыр түске боялады.
Реакция теңдеулері: 4FeCl3 + 3K4[Fe(CN)6] Fe4[Fe(CN)6]3 + 12KCl
2CuSO4 + K4[Fe(CN)6] Cu2[Fe(CN)6] + 2K2SO4 Қорытынды: Мыс(ІІ) және темір(ІІІ) иондарын бір-бірінен бағаналық хроматография әдісімен бөлу мүмкіндігін бағалаңыз.
