Әр түрлі профильге сәйкес тақырып бойынша ғылыми-техникалық есебі мен отандық және шетелдік әдебиеттердің библиографиялық тізімі құрылады.
Әдебиет көздерінің аннотациялары құрылады және тақырып бойынша рефераттар қажет болған жағдайда құрылады.
Зерттеу әдістері (экспериминтальды, теориялық т.б), нақты бір зерттеуді қамтитын заттар, процесстер, құбылыстар түсіндіріледі.
Теориялық зерттеулердің мақсаты – заттың физикалық мәнін тану болып табылады.
Нәтижесінде физикалық үлгі негізделіп, математикалық үлгілер жасалады және осындай жолмен алдын-ала алынған нәтижелер сарапталады.
Экспериментальды зерттеулерде міндеттер қойылып, эксперимент бағдарламасы мен әдістері таңдалады. Оның тиімділігі өлшеу құралдарын таңдауға байланысты.
Бұл міндеттерді шешу барысында инструкциялар мен ГОСТ-тарды басшылыққа алған жөн.
Қабылданған әдіснамалық шешімдер эксперимент өткізуге әдістік көрсеткіш түрінде қалыптасады.
Жұмыс жоспары және зерттеулерді өткізу
Зерттеу әдістерін жасаған соң тәжрибелік (экспериминтальды) жұмыстың көлемі, әдістері, техникасы, еңбек сыйымдылығы мен мерзімі көрсетілетін жұмыс жоспары құрылады.
Экспериминтальды және теориялық зерттеулер аяқталған соң алынған нәтижелердің жалпы сараптамасы жасалады, эксперимент нәтижелері мен гипотезалардың сәйкестігі жүзеге асады.
Сараптау нәтижесінде теориялық үлгілер анықталады қажет жағдайда қосымша эксперименттер өткізіледі.
Сосын, өндірістік және ғылыми қорытындылар қалыптасып, ғылыми-техникалық есеп құрылады.
Зерттеу нәтижелерін енгізу Тақырыпты дайындаудың келесі кезеңі өндіріске зерттеу нәтижелерін енгізу және оның шын мәніндегі экономикалық тиімділігін анықтау болып табылады.
Өндіріске қолданбалы және фундаментальды ғылыми зерттеулерді енгізу шеберханалар мен тәжірибелі зауыттарды, жобалық ұйымдарда, тәжірибелі-құрастырушы бюроларда жүргізілетін дайындық арқылы жүзеге асады.
Жұмыс жоспарлары тәжірибелік-технологиялық немесе тәжірибелік-конструкторлық түрде әзірленеді, оның құрамына тақырыптың қалыптасуы, жұмыстың мақсаты мен міндеттері, ғылыми әдебиеттерге шолу, экспериментальды үлгіні техникалық жобалау, жекелеген блоктар дайындау олардың жүйедегі бірігуі, техникалық жобаның келісімі және оның техникалық-экономикалық негізделуі жатады.
Осыдан кейін еңбек жобасы (жобаның бөлшекті дайындығы жасалады; тәжірибелі үлгісі дайындалады; оны байқып көру, дәлелдеу және реттеу жасалады; өндірістік және қабырғалық сынақтар өткізіледі. Тәжірибелі үлгіні жөндеу жүргізіледі (өндірістік сынақ талдауы, жеке торапты қайта жасау және айырбастау).
Кезеңдер бойынша табысты орындалған жұмыс үлгісін мемлекет сынағына ұсынып, нәтижесінде үлгі топтамалық өндіріске өткізіледі.
Жасап шығарушылар бұл кезде бақылау жасап, кеңес береді.
Өндіру зерттеу нәтижесінің экономикалық тиімділігін көрсету туралы акт рәсімімен аяқталады.
