Д.И.Менделеевтің элементтердің периодты жүйесі және катиондардың аналитикалық тобы.
Элементтерді бір жүйеге келтіру мәселесін орыстың ұлы ғалымы Д.И.Менделеев (1834-1907ж) шешті. Ол 1869 жылы периодтық заңды ашып, 1871 жылы анықтамасын берді және сол заңның негізінде элементтердің периодтық жүйесін жасады. Элементтерді жүйеге келтірудің негізі етіп олардың атомдық массаларын алды. Д.И.Менделеев сол кезде белгілі химиялық элементтерді атомдық массаларының өсу ретімен бір қатарға орналастырып олардың қасиеттері белгілі бір элементтердің санынан кейін қайтадан қайталанып отыратынын байқады.
Д.И.Менделеев элементтердің өзгеруі олардың атомдық массаларының өсуіне тәуелді екенін дәлелдеп, периодтық заңға мынадай анықтама берді: «Жай заттардың қасиеттері, сондай-ақ олардың қосылыстарының пішіндері мен қасиеттері элементтердің атомдық массаларының шамасына периодты түрде тәуелді болады».
Қасиеттері ұқсас элементтерді бірінің астына бірін орналастыру нәтижесінде шыққан тік қатарларды Д.И.Менделеев топтар деп атады.
Элементтер төрт түрлі электрондық деңгейшелермен сипатталады.
Элементтер төрт түрлі электрондық деңгейшелермен сипатталады.
1. s - элементтер (s1-s2),
2. p - элементтер (p1-p6),
3. d - элементтер (d1 – d10),
4. f - элементтер (f1-f14).
Иондарды сыртқы деңгейшелерінің құрылысына қарап үш топқа бөледі:
1. 8-электронды аяқталған қабаты бар иондар. Мұндай иондар s - элементтер түзеді. Бұл сілтілік және сілтілік жер металдары, периодтық жүйедегі ІА, ІІА топшаларында орналасқан.
