«математикалық сауаттылық», «жаратылыстану-ғылыми сауаттылығы» және
«оқу сауаттылығы» бойынша жүргізіледі.
Оқу сауаттылығы – білім алушының жазба мәтіндерді түсіну, пайдалану,
ойлау және өз мақсатына жету үшін оның мазмұнын қолдану, өз білімі мен
әлеуетін дамыту, сонымен қатар қоғам өміріне белсенді қатысу үшін білімі мен мүмкіндіктерін дамыту қабілеті.
PISA – халықаралық зерттеуі барлық білім беру ұйымдарындағы
15 жастағы оқушылардың математика, жаратылыстану және оқу
сауаттылығынан (тіл мен әдебиет білім салаларынан) игерген білім жетістіктерін анықтауды, оқу барысында меңгерген білімдері мен біліктерін өмірлік жағдайларда қолдана білу дағдыларын бағалауды көздейді.
PISA зерттеуінде оқу сауаттылығы мынандай деңгейлерге бөлінеді
Қарапайым критерий бойынша қажетті ақпараттарды мәтіннен іздеу (ең төменгі);
көптеген өлшемдер бойынша қажетті ақпараттарды іздеу;
Мәтіннен қажетті ақпарат іздеу, ақпараттардың үзінділері арасындағы байланысты тану, белгілі, бірақ қарама-қайшы ақпараттармен жүмыс істеу;
терең жасырын ақпаратты қамтитын үзінділердің бірізділігін немесе комбинациясын іздеу және орнату;
тапсырманы орындау үшін мәтіндерде қандай ақпарат керек екендігі туралы қорытынды жасай алу;
Күрделі мәтінді түсіну және түсіндіру, мәтін мазмұнына байланысты тұжырымдар мен гипотезаларды жасау.
Зерттеу әр 3 жыл сайын өткізіліп отырады. Әр жылда белгілі бір бағытқа көңіл аударылады. Қазақстан 2009 жылы ең алғаш рет PISA зерттеуіне қатысқан болатын.
