Коммуникация (лат. «communicatio» — «хабар», «беру») адамдардың араласуы, хабарласуы. Барлық білім, икем, дағдылар, мінез-құлықтың формалары, дәстүр мен әдет-ғұрып мәдениет жүйесінде ғана болады. Сондықтан мәдениетті сақтау үшін бүкіл ақпаратты бір ұрпақтан келесі ұрпаққа тіл арқылы жеткізу қажет. Әртүрлі мәдениеттердің өзара қатынастары мәдениаралық коммуникация деп аталады, ол мәдениеттердің сұқбаттасуын және жасаған өнімдерін өзара айырбастауды көздейді. Мәдениеттердің диалог идеясы олардың өзара ашықтығын көздейді. Бірақ бұл әрбір мәдениеттің басқа мәдениеттерден айырмашылықтарға ие болу құқығын мойындауда ғана, өзге мәдениетті сыйлауда ғана мүмкін.
