,4 1. Оқитын пәннің сипаттамасы

«Инклюзивті білім беру» пәні - «Білім» тобының мамандықтарын кәсіби - маңызды орын алады.«Инклюзивті білім беру» пәні- базалық пәндер циклінің міндетті компонентіне жатады.

Инклюзивті білім беру барлық балалар әртүрлі оқытуды қажет ететін тұлға болып табылады деген ұстанымға бағытталған әдіснаманы дамытуға ұмтылады.Инклюзивті білім беру жүйесін дамыту 2011-2020 жылдардағы ҚР Мемлекеттік білім беру бағдарламасының басым бағытының бірі.Мүмкіндігі шектеулі балалардың сапалы білім алуы туралы Қазақстан Республикасының заңнамасында бекітілген.

Инклюзия – кез-келген тұлғалардың білім беру ұйымдарында білім алуын қамтамасыз ететін, бүкіл оқушылардың баламалы мақсаттары қойылған оқу үрдісін қалыптастыратын, әр оқушыны қолдауға, мейлінше әлеуетін ашуға арналған түрлі кедергілерді жоюға бағытталған үрдіс.

Пәнді оқылуға жіберілген барлығы 90 академиялық сағат, сабақтардың түрлеріне қарай олар осылай бөлінген: 15 сағат дәріс, 15сағат практикалық сабақ, 60 сағат БӨЖ.