Айырша без (грек, thymus — тимус) — омыртқалы жануарлар мен адам организмдеріндегі иммундық жүйенің қалыптасуы мен оның қызметінің толық атқарылуын қамтамасыз ететін без. Айырша без иммундық жүйенің орталық мүшесіне жатады. Ол көкірек қуысында орналасқан тақ көкірек бөлігінен және кеңірдектің екі қапталында жатқан жұп мойын бөлігінен тұрады.
Кейіннен тимусқа тәуелді лимфоциттер перифериялық лимфоидты мүшелерде орналасады және өзгереді. T1 - жасушалар көкбауырдың периартериалды аймақтарында орналасады, сәулелі энергияның әсеріне әлсіз реакция жасайды және жасушалық иммунитеттің әсер етушілері болып табылады, T2 - жасушалар лимфа түйіндерінің перикортикалық аймақтарында жиналады, сезімтал және антиген реактивтілігімен ерекшеленеді.
