Бұқаралық коммуникация адамдардың, топтардың, институттардың, мемлекеттердің өзара әрекеттестігінің қажетті элементі болады. Коммуникация қоғам өмірінің барлық жағына ене алатындықтан да, оның негізгі мазмұнын мақсатты түрде анықтайды. Коммуникация – бұл: 1) адресантты, желілерді, кодтауды, шифрлауды, мазмұнды, тиімділікті, бақылауды, жағдайды, ниеттілікті, адресатты өзіне қосатын, ақпараттардың берілуі үдерісі; 2) мақсаты – өзара түсініктік болып табылатын символдардың берілуі арқылы болатын, адамдардың арасындағы қарым – қатынас актісі; 3) байланыстың әр түрлі жүйлері арасындағы қандай да болсынбір түрінің ақпаратымен алмасу [1, 133 б].
Бұқаралық коммуникация мынадай негізгі фунцияларды орындайды: қоршаған әлемді бақылау – болып жатқан оқиғалар туралы ақпараттану; оқиғалардың интерпретациясы және әр түрлі мәселелерді шешу мақсатымен болатын, қоғамның құрылымдарының өзара әрекеттестігін қамтамасыз ету; қоғам туралы білімді бір ұрпақтан екінші ұрпаққа беру (әлеуметтану және білім алу) көңіл көтеру.
