Математиканы оқытудың мақсаттары мен мазмұны

Курс логикалық қатаңдық пен геометриялық айқындылықтың ұтымды үйлесімімен сипатталады. Оқытылатын материалдың теориялық маңызы артады, курстың ішкі логикалық байланыстары кеңейеді, дедукцияның рөлі артады, оқытылатын материалдың абстрактілілік дәрежесі артады. Оқушылар теоремаларды дәлелдеу және есептерді шығаруда аналитикалық және синтетикалық әрекеттердің тәсілдерін меңгереді. Курстың жүйелі мазмұны оқушылардың математикалық теорияның құрылымы туралы түсініктерін қалыптастыру жұмыстарын бастауға мүмкіндік береді, мектеп оқушыларының логикалық ойлауын дамытуды қамтамасыз етеді. Материал мазмұны үнемі көрнекіліктерді қолданумен, суреттер мен сызбаларды оқытудың барлық кезеңдерінде қолданумен және осы негізде геометриялық интуицияны дамытумен сипатталады. Тәжірибедегі мысалдарға мақсатты түрде сілтеме жасау оқушылардың геометриялық фактілерді, нысандар мен шындық құбылыстарындағы қатынастарды оқшаулау, оларды сипаттау үшін геометрия тілін қолдану қабілеттерін дамытады.

10-11 сыныптардағы математиканың негізгі курсында мына мәселелер қарастырылуы керек:

10-11 сыныптардағы математиканың негізгі курсында мына мәселелер қарастырылуы керек:

• негізгі элементар функциялар туралы мағлұматтарды бір жүйеге келтіріп және оны толықтыру үшін тригонометриялық функциялардың қасиеттерін толығырақ қарастырып, көрсеткіштік пен логарифмдік функциялар туралы мағлұмат алу және олардың негізгі қасиеттерін білу;
• теңдеулер мен теңсіздіктерді шешу тәсілдерін бір жүйеге келтіріп, оларды одан әрі толықтыру үшін қарапайым түрдегі тригонометриялық, көрсеткіштік, логарифмдік теңдеулерді шешу тәсілдерін меңгеріп, мысалмен көрсету арқылы оларға сәйкесті теңсіздіктер мен теңдеулер жүйесінің қалай шешілетінін түсінулері қажет; осы теңдеулерді шешуде қолданылатын тригонометриялық, көрсеткіштік, логарифмдік теңбе-теңдіктерді біліп, оларды жаттығуларды орындау барысында қолдана алулары керек;
• элементар функцияларды зерттеп және қарапайым қолданбалы есептерді шешуге қажетті көлемде математикалық анализдің негізгі ұғымдары мен әдіс-тәсілдерімен таныстыру;
• кеңістіктегі негізгі фигуралар және олардың қасиеттері жөнінде жүйелі мағлұмат алу,оларды қарапайым қолданбалы есептерді шешуге қолдана білу.