Мазмұны глоссарий Негізгі әдебиеттер Дәрістер глоссарий
жүктеу/скачать 115,86 Kb.
|
Лекциялар (2) (3)
- Бұл бет үшін навигация:
- 2.1 2-дәріс тақырыбы
- Дәрістің қысқаша мазмұны
| Қосымша:
1.Әбдікәрімова Т., Рахметова С., Қабатаева Б. Ана тілі. Оқыту әдістемесі.- Алматы., 1999ж. 2.Бастауыш кластарда қазақ тілін оқыту методикасы. –А., 1987ж. 3.Жұмабаев М. Бастауыш мектепте ана тілін оқыту.-А., 1926ж. 4.Жазықбаев М., Рахметова С., Асқарбаева А. Бастауыш мектепте оқудың тиімділігін арттыру.-А., 1968ж. 5.Қазыбаев С. Бастауыш кластарда қазақ тілін оқыту.. – А.,1997ж. 6.Рахметова С. Бастауыш сыныптарда оқушылардың тілін ұстарту. –А., 1997ж. 7.Рахметова С., Жаманқұлова П. Қабатаева Б. Ана тілін оқыту әдістемесі. –А., 1998ж. 8.Сарыбаев Ш. Қазақ тілі методикасының кейбір мәселелері. –А., 1997ж. 9.Рахметова С. Қазақ тілін оқыту теориясы мен әдістемесі. Атамұра. 2005ж. 10. Жумабаева Ә.И., Уайсова Г.И., Сәдуақас Г.Т., Оспанбекова М.Н. Сауат ашу. 1-2 бөлім. Жалпы білім беретін мектептің 1-сыныбына арналған оқулық.Алматы, Атамұра 2016ж. 11.Нұржанова Ж. Қазақ тілін тиімді оқыту жолдары. А., 2001ж. 12.Бұзаубақова Қ.Ж. Жаңа педагогикалық технология. А., 2004ж. 13. Тұрдалиева Г.Ж. Бастауыш сыныптарда қазақ тілін оқыту әдістемесі. Астана: Фолиант, 2007. 13.Байтұрсынов А. Сауат ашқыш. –Орынбор. 1924ж. Семей, 1926ж. 14.Әбілқаев А. Қазақ тілін оқыту әдістемесі. –А.. 1995ж. 15.Қалиев С., Баймұратова Б. Өзіміз оқып үйренеміз. А., 2004ж. 2.1 2-дәріс тақырыбы: Сауат ашу сабақтарына қойылатын негізгі педагогикалық талаптар. Дәрістің жоспары:1. Cауат ашу әдістемесі пәнінің ұстанымдары. 2. Дайындық кезеңін оқыту. 3. Әліппе кезеңінің оқу-тәрбие міндеттері. 4. Әліппеден кейінгі кезеңдегі сабақ жүйелері. Дәрістің қысқаша мазмұны: Сауат ашу пәні бойынша стандарт ҚР БМЖМС 2.003-2002 негізінде дайындалды және "Сауат ашу" пәні бойынша білім мазмұнының мемлекеттік міндетті минимумына, оқушылардың дайындық деңгейіне қойылатын талаптарды тағайындайды. Стандарт ережелері: - Қазақстан Республикасының жалпы білім беруді жүзеге асыратын барлық ұйымдарында, олардың меншіктік формасына, типіне және түріне қарамастан, "Сауат ашу" пәні бойынша оқушылардың жалпы білімдік дайындығын жүзеге асыру кезінде, - орта кәсіптік және жоғары оқу орындарында берілген пән бойынша педагог мамандарды даярлауға арналған оқу бағдарламаларын жасау кезінде, - білім беру саласындағы ғылыми-зерттеу институттарында пән бойынша оқу бағдарламаларын, оқулықтар мен оқу-әдістемелік кешендер дайындау барысында, - білім беру жүйесі қызметкерлерінің кәсіптік біліктілігін жетілдіру және қайта даярлау институттарында "Сауат ашу" пәні бойынша педагог мамандардың біліктілігін жетілдіру және қайта даярлау бағдарламаларын жасау барысында, - білім саласындағы орталық жөне жергілікті атқару органдарында "Сауат ашу" пәні бойынша оқыту сапасына мемлекеттік бақылауды жүзеге асыруда қолданылуы және сақталынуы міндетті. Сонымен бірге стандарт республиканың мемлекеттік басқару органдары мен ұйымдарында білім қызметін лицензиялау, білім беру ұйымдарын аттестациялау, жұмыстық оқу жоспарлары мен оқу бағдарламаларын дайындау, олардың жүзеге асырылуын бақылау кезінде пайдаланылуы мүмкін. Сауат ашу" пәні бойыпша осы стандарт мектептің бастауыш сатысындағы базистік оқу жоспарымен білім беру ұйымларының типтік оқу жоспарымен және жұмыстық оқу жоспарымен, оқу бағдарламаларымен кешенді түрде қолданылады. 2 Нормативтік сілтемелер Осы стандартта: - ҚР БМЖМС 2.003-2002 "Жалпы орта білім. Негізгі ережелерге", - ҚР ЕР. 40.1.01-2000 ҚР МЖС-нің "Білім берудің мемлекеттік жалпыға міндетті білім стандарттарын құруға, мазмұндауға, рәсімдеуге, мазмұнына және белгілеуге қойылатын жалпы талаптарына" сілтемелер жасалған. 3 Анықтамалар мен қысқартулар Осы стандартта Қазақстан Республикасы «Білім туралы" Заңына және ҚР БМЖМС 2.003-2002 сойкес қысқартулар, терминдер және анықтамалар қолданылды. Оларға қосымша осы стандартта келесі анықтамалар мен қысқартулар келтірілген. "Сауат ашу" пәні бойынша білім беру стандарты - Қазақстан Республикасындағы жалпы білім беретін мектептің бастауыш сатысының барлық типтеріне ортақ сауат ашуда оқушылардың алатын міндетті (минимум) білім деңгейін тағайындайтын құжат. "Сауат ашу" пәнінің базалық мазмұны - мектепте міндетті түрде оқытылуы тиіс және үздіксіз білім берудің келесі сатылары мен деңгейлерінде оқуды жалғастыру үшін жеткілікті болатын оқу пәні мазмұнының құрамы мен құрылымының тізбесі. БМЖМС - Білім берудің мемлекеттік жалпыға міндетті стандарты БОЖ - базистік оқу жоспары 4 Жалпы ережелер 4.1 "Сауат ашу" пәнін оқытудың басты мақсаты "Сауат ашу" пәнін оқытудың басты мақсаты оқу және жазу дағдыларын қалыптастыру: байланыстырып сөйлеуге үйрету; алғашқы грамматикалық мағлұматтарды меңгерту; ана тіліне сүйіспеншілікке, адамгершілікке, отансүйгіштікке тәрбиелеу; оқушылардың шығармашылық қабілеттерін дамыту. 4.2 "Сауат ашу" пәнін оқытудың басты міндеттері: Әліппеге дейінгі кезең: оқушыларды оқуға және жазуға даярлау; сөздік қорын молайту, байланыстырып сөйлеуге үйрету. Әліппе кезеңі: оқу және жазу дағдыларын қалыптастыру; байланыстырып сөйлеу тілін дамыту. Әліппеден кейінгі кезең: оқу және жазу дағдыларын жетілдіру, байланыстырып сөйлеу тілін дамыту; алғашқы грамматикалық мағлұматтарды меңгерту. 4.3 "Сауат ашу" пәнінің зерттеу объектілері Интеграцияланған (оқу, жазу) мазмұндағы "Сауат ашу" пәні - ана тілінің байлығын меңгертудегі алғашқы саты, "Филология" білім саласына кіретін пән. "Сауат ашу" пәнінің оқыту аясы: - қазақ тілінің дыбыстық және әріптік (графикалық) жүйесі; - қазақ тілінен алғашқы грамматикалық мағлұматтар; - балалар көркем әдебиеті шығармалары. 4.4 "Сауат ашу" пәні мазмүнының даму болашағы. Мектептің бастауыш сатысындағы "Сауат ашу" пәнінің мазмұны 2-4-сыныптарда "Қазақ тілі" және "Әдебиеттік оқу" пәндері, негізгі мектепте "Қазақ тілі" және "Қазақ әдебиеті" пәндерінің мазмұнында дамытылады. 4.5 "Сауат ашу" пәнінің базистік оқу жоспарындағы орны БОЖ-да "Сауат ашу" пәні "Филология" білім саласына кіретін, мектептің бастауыш сатысында міндетті түрде оқытылатын пән ретінде берілген. Сауат ашуды оқытуға бөлінетін сағат бастауыш сатының БОЖ-дағы мектеп компонентіне (тандау пәндері) бөлінген сағаттар есебінен көбейтілуі мүмкін. 5 Бастауыш білім беру деңгейінің 1-сыныбына арналған "Әліппе" пәнінің үлгілік оқу бағдарламасы (оқыту қазақ тілінде) 1-тарау. Жалпы ережелер1. "Әліппе" пәнінің үлгілік оқу бағдарламасы (бұдан әрі – бағдарлама) "Білім берудің барлық деңгейінің мемлекеттік жалпыға міндетті білім беру стандарттарын бекіту туралы" Қазақстан Республикасы Білім және ғылым министрінің 2018 жылғы 31 қазандағы № 604 бұйрығына (Нормативтік құқықтық актілерді мемлекеттік тіркеу тізілімінде № 17669 болып тіркелген) сәйкес әзірленді. 2. Бағдарлама құрылымы мен мазмұны жалпыдидактикалық қағидаттар және А. Байтұрсынұлының әдістемелік қағидаттары негізінде айқындалды: 1) дыбыспен жаттығу; 2) әрбір дыбыстың сөз жасаудағы қызметін есепке алу; 3) оңайдан қиынға, жеңілден күрделіге өту; 4) білімді тәжірибе арқылы өздігінен алу. 3. Әріпті таныту реті А. Байтұрсынұлының еңбектерімен қатар лингвист және әдіскер ғалымдардың зерттеулері негізінде, олардың мәтінде кездесу жиілігіне, өзара тіркесімі мен сөзжасау қызметіне қарай құрылды. 4. "Әліппе" пәнінің мақсаты – әріп таныту, оқуға мен жазуға үйрету, негізгі тілдік ұғымдар мен сөйлеу әрекетінің түрлерін ұлттық рухани құндылықтар негізінде жеке тұлғаны қалыптастыру. 5. "Әліппе" пәнінің міндеттері: 1) оқу әрекетіне бейімдеу; 2) дыбыс, буын, сөз, сөйлем, мәтін (сөйлеу) туралы қарапайым түсінік (ажырату, салыстыру, топтастыру және талдау) қалыптастыру; 3) дыбыс пен әріпті (баспа және жазба түрлері) үйрету; 4) оқу (буындап оқу, тұтас оқу, түсініп оқу, мәнерлеп оқу) және жазу дағдыларын қалыптастыру; 5) коммуникативтік әрекет түрлерін жетілдіру, сөздік қорын байыту; 6) ана тіліне, Отанына, халқына, оның мәдениеті мен салт-дәстүріне құрметпен қарай білуге үйрету, ұлттық рухани құндылықтарды бойына сіңіру. жүктеу/скачать 115,86 Kb. Достарыңызбен бөлісу:
|