Методические рекомендации по конкурсу «лучший педагог»
жүктеу/скачать 2,33 Mb. Pdf көрінісі
|
26.06 Уздик педагог сайт
|
Білім алушылардың сындарлы кері байланыс беруі үшін жағдай жасау Сабақтың келесі бір міндетті элементтерінің бірі білім алушылардың бір-біріне кері байланыс берулері үшін жағымды орта қалыптастыру болып табылады. Кері байланыс оқу мақсаттарына сәйкес оқуды жақсарту үшін ұсыныстар беруге негізделеді. Сындарлы кері байланыс қадамдары: • не жақсы жасалғанын анықтау; • неліктен жақсы жасалғанын түсіндіру; • нені жақсартуға болатынын анықтау; • қалай жақсартуға болатынын бағыттау. [16] Кері байланыс беру үшін жағдай жасау оқудың нәтижелілігін арттырады. 43 Сабақты бағалау Педагогтің сабағын бақылау кезінде назар аудару қажеттілігі бойынша қысқаша ұсыныстар ұсынылады. Педагогтердің сабақты жоспарлау және өткізу кезеніңде де осы төменде берілген ұсыныстар да пайдалы болады. Бақылау компоненттері Сипаттама және сұрақтар Сабақ жоспары Оқу мақсаттарына сәйкес сабақтың мақсатын (нақты, түсінікті, қол жетімді) қою. Оқу мақсаттарына сәйкес сабақтың мақсатын қою (нақтылық, айқындық, қол жетімділік). Білім алушылардың қабілеттерін ескере отырып, оқу мақсаттарына сәйкес оқу материалын, оқыту әдістерін, ресурстарын, оқу жетістіктерін формативті бағалау тәсілдерін таңдау. Сұрақтар: ✓ Оқу мақсаттары мен күтілетін нәтижелері көрсетілген бе? ✓ Сабақтың мақсаттары мен мазмұнына сабақтың құрылымы, кезеңдері, уақыты сәйкес келе ме? ✓ Оқу стратегиясының, бағалау құралдары мен ресурстарының білім алушылардың қажеттіліктері мен зерттеу дағдыларын дамытуға бағытталғаны ескерілді ме? ✓ Білім алушылардың сабақ мазмұнын түсінуін жақсарту үшін ресурстарды, АКТ-ны қолдану қалай жоспарланған? ✓ Білім алушылардың ілгерілеуі қалай бақыланады? Оларды оқыту мен дамыту үшін жағдай жасалған ба? ✓ Оқыту әдістері мен ресурстары сабақтың мақсаттары мен күтілетін нәтижелеріне сәйкес келе ме? ✓ Сабақ кезеңдерінің байланысы және олардың логикалық реттілігі? Білім алушыларды сабақ мақсаттарын талқылауға және оқу үдерісіне тарту Оқыту әдістері мен материалдарының білім алушылардың танымдық белсенділігін қалыптастыруға, жаңа дағдылар мен білімді қалыптастыруға бағытталуы. Қолданылатын оқыту стратегиялары мен ресурстарының білім алушылардың қажеттіліктері мен зерттеу дағдыларын дамытуға ықпалы. Білім алушылардың зерттеу дағдыларын дамыту үшін қолданылатын бағалау стратегиялары мен құралдарының тиімділігі. Сұрақтар: ✓ Білім алушылар сабақтың мақсаттарын талқылауға тартыла ма: Сабақта мақсат қою кезеңі қалай жүзеге асырылды? ✓ Білім алушылар тапсырмалар барысында олардың алдында тұрған міндеттерді түсіне ме? Білім алушылардың жаңа материалды меңгеру деңгейі? ✓ Білім алушылардың қабілеттері қалай ескеріледі? ✓ Оқу мақсаттарына жету үшін және білім алушылардың қабілеттері мен зерттеу дағдыларын дамыту үшін тапсырмалар қаншалықты тиімді? ✓ Білім алушыларды оқыту мен олардың оқуында туындаған қиындықтардың себептері қандай? 44 Ресурстарды қолдану Сабақта ресурстарды қолдану. Сұрақтар: ✓ Білім алушылар ұсынылған тапсырмаларды ойдағыдай орындау үшін мүмкіндік беретін қажетті материалдармен, ресурстармен, ақпаратпен қамтамасыз етілген бе? ✓ Өзекті ресурстар пайдаланыла ма? ✓ Ресурстар зерттеу дағдыларын дамытуға қалай ықпал етеді? ✓ Білім алушылардың оқу мақсаттарына жету үшін және қабілеттерін дамыту үшін ресурстар қаншалықты тиімді? ✓ Қолданылған цифрлық білім беру ресурстары сабақ тақырыбы бойынша түсініктерін кеңейтуге және тереңдетуге қалай ықпал етті? Бағалау Бағалау үдерісін ұйымдастыру. Педагогтің қызметі білім алушылардың оқу нәтижелерін бақылауға бағытталған; білім алушыларды сабақта оқу нәтижелерін ілгерілету үшін оларды нақты және түсінікті бағалау критерийлерін құрастыруға тартуы; білім алушылардың өз қиындықтарын анықтауы (не сәтті/сәтсіз болды және неге); педагогтердің өз бағалау формаларын (құралдарын) құрастыруы (оның ішінде бағалау қызметін жүзеге асыруға арналған веб-сервистер). Сұрақтар: Бағалау білім алушыға өзінің оқуының күшті және әлсіз жақтарын және оны жақсарту үшін әрекеттерін анықтауға көмектеседі ме? Өзін-өзі бағалау және өзара бағалау үдерісі қалай ұйымдастырылады? Әрбір білім алушының ілгерілеуі қалай бақыланады және (педагог және білім алушылардың) кері байланысы қалай беріледі? Білім алушыларды бағалау үдерісіне тарту олардың сабақ барысында оқу жетістіктеріне қалай әсер етті? Рефлексия Рефлексия. Сабақты аяқтауды ұйымдастыру. Сұрақтар: ✓ Сабақ барысында және оны аяқтау кезеңінде білім алушылардың рефлексиясы қалай ұйымдастырылған? ✓ Рефлексия сабақ мақсаттарына жету жолдарын түсінуге бағытталған ба? ✓ Педагог білім алушылардың көңіл-күйі мен эмоционалдық жағдайының рефлексиясын, іс-әрекеттің рефлексиясын, оқу материалы мазмұнының рефлексиясын қарастырады ма? жүктеу/скачать 2,33 Mb. Достарыңызбен бөлісу:
|