Минералдар

1 2 3 4 5

МИНЕРАЛДАР

Жер қыртысының тікелей зерттеуге болатын жоғарғы бөлігі (15-20 км тереңдікке дейін), гидросфера және атмосфера табиғи қосылыстардан немесе саф элементтерден тұрады.
Бұлар минералдар (латын тілінде «минера» - руда) деп аталады. Жер қыртысының аумағын тау жыныстары деп аталатын шоғырлар немесе агрегаттар түзеді. Жер қыртысының негізгі құрамын тау жыныстары құрайды.

Табиғи процестер нәтижесінде немесе лабораторияларда жасанды жолмен алынған химиялық элемент немесе химиялық қосылыс минерал деп аталады.
Минералдар өзіндік физикалық қасиеттері бойынша ажыратылады.
Минералдардың табиғи күйі. Белгілі минералдардың (жалпы саны 2500-ден астам) 50-дейі молырақ тараған.

Тау жыныстары негізінен осы минералдардан құралғандықтан, бұл минералдарды тау жыныстарын түзуші минералдар деп атайды.
Минералдар бір ғана (күкірт, алмас, графит, алтын, мыс т.б.) немесе бірнеше химиялық элементтен (кварц, кальцит, дала шпаты т.б) құралуы мүмкін.
Минералдардың көбі қатты денелер болып келеді.
Бірақ сұйық (су, сынап) және газ тәрізді (метан, күкіртті газ, көмірлі газ) минералдар да кездеседі.
Біз қатты күйдегі минералдарды қарастырамыз. Қатты минералдар өзінің құрылысы жөнінен кристалдық және аморфтық болып кездеседі.

Минералдардың морфологиясы (пішіні). Минералдар жеке кристалдық және минералдық түйірлер, бітіскен кристалдар мен түйірлер немесе тұтас кристалдық және аморфттық заттар түрінде кездеседі.
Дара кристалдар өте сирек. Екі немесе үш кристалдың заңды бітісіп бірігуі тиісінше қосарлар және үштіктер деп аталады.
Минерал түйірлері агрегаттарының немесе кристалдарының көбінесе өздеріне тән келетін пішіндері болады.

Достарыңызбен бөлісу:

1 2 3 4 5