| Орын ауыстырудың аздығы. Деформация өте аз шама болғандықтан ол
күштердің өзара орналасуларына қосымша әсер жасамайды.
Бастапқы өлшемдер принципі. Сыртқы күш әсерінен дененің пішіні
көпке өзгермейді. Есептеу схемасының күштер әсерінен тепе-теңдік күйін
қарастырғанда оның бастапқы геометриялық өлшемдері өзгермейді деп
есептеледі
Күш әрекеттерінің тәуелсіздік принципі (суперпозиция принципі).
Бұл принцип бойынша денедегі топ күштер әсерлерінің нәтижесі, сол
топтағы жеке күштердің әсерлерінің нәтижелерінің қосындысына тең. Яғни,
күш тобының әсерінен жүйеде пайда болған деформация, сол топтағы жеке
күштердің әсерлерінен пайда болған деформациялардың қосындысына тең.
Бұл принцип теориялық механика пәнінде абсолютті қатты денелер үшін
кең қолданылады, ал деформацияланатын қатты денелер үшін төмендегі екі
шарт орындалуы керек:
1. Күш әсер ететін нүктенің орын ауыстыру шамасы дененің өлшемімен
салыстырғанда өте аз шама.
2. Дененің деформациясымен байланысты нүктенің орын ауыстыру
мөлшерімен күш әсері арасында (тура пропорционалдық) сызықтық
байланыс. Мұндай денелер Гук заңына сәйкес сызықтық деформация-
ланады.
Достарыңызбен бөлісу: | 
