копуляция – жасушалардың қосылуы, тұқым қуалаушылық материалдарының алмасуы -
коньюгация.
Көпшілік қарапайымдылардың бір ядросы болады, кейде көп ядролы түрлері
кездеседі. Кейбір қарапайымдылардың ядролары полиплоидтылықпен ерекшеленеді.
Көпшілік қарапайымдылардың тіршілік циклінде белсенді қоректенетін және
қозғалыста болатын вегатативті сатысын (трофозоит) және циста түрін ажыратады.
Көптеген қарапайымдылар қолайсыз жағдайларда цисталар түзеді, яғни қозғалмайды, дөңгелек
пішінге ие болады, зат алмасу процестері баяулайды. Сыртынан құрғақтанудан, қолайсыз
температура, зиянды заттардан сақтайтын қатты қабықшамен қапталады. Цисталар қолайлы
жағдайларда ыдырап, вегетативті түрлерге айналады.
Қарапайымдылар тудыратын аурулар протозооноздар деп аталады. Медициналық
маңызы бар қарапайымдылар типі төрт класқа бөлінеді: Саркодылар (Sarcodina), Талшықтылар
(Flagellata), Споралылар (Sporozoa) және Инфузориялар (Infusoria).
| 
