| қанаты (ala temporalis) шығады. Олар ортаңғы бассүйек шүңқырын (fossa
cranii medialis) жасауға қатысады. Сынаша сүйек денесі негізгі бөлігінің оң
жəне сол самай қанаттарының каудальды жиектері жырымдалған тесіктерді
шектеуге қатысады. Самай қанаттарының ішкі беттерінде мидың аттас
бөліктерімен жанасатын алмұртша шұңқырлар (fossa piriformis) болады.
Сынаша сүйек денесі негізгі бөлігінің екі бүйір бетінен вентральды бағытта
оң жəне сол қанатша өсінділер (processus pterygoideus) шығады. Олар
латеральды бағытта тандай, медиальды бағытта қанатша сүйектермен
жалғасып жатады. Қанатша өсінділердің алдыңғы жиектеріне жақын жатқан
қанатша қыр (crista pterygoidea) болады. Аталған қырдың алдыңғы бетінде
үш тесік көрінеді. Олар: көру өзегі (canalis opticus), көздік саңылау (fissura
orbitalis) жəне деңгелек тесік (foramen rotundum). Қанатша қыр сынаша
сүйектің көздік қанатындағы көздік қырмен жалғасып, көздік-қанатша
қырды (crista orbitosphenoidalis) түзеді.
Достарыңызбен бөлісу: | 
