Мұсылмандары діни басқармасы ақТӨбе облыстық орталық «НҰР Ғасыр» мешіті
жүктеу/скачать 6,37 Mb. Pdf көрінісі
|
|
Сұрақ: Пітір садақасын кімдер беруге міндетті? 89. Жауап: Ханафи мәзһабы бойынша Рамазан айында мұсылман адамның өзі және отбасы үшін пітір садақа беруі – уәжіп. Оны қажеттілігін қоспағанда мал - мүлкі, дүниесі күміс нисабына (595 гр) жеткен адам беруі керек. Биылдғы күміс нисабы шамамен 127 мың теңге деп бекітілді.Тұрмысы нашар, яғни артық мал - мүлкі нисаб мөлшеріне жетпеген кісі пітір садақа беруге міндетті емес, сауап үшін беріп жатса өз еркі. Алайда, садақаны өзінен де жағдайы төмен адамға бергені дұрыс. Әйелі және үлкен балаларының жағдайлары жетіп тұрса, олар пітір садақаны өздері үшін береді. Ал олар үшін де пітір садақа берген адам, әлбетте сауаптан құр қалмайды. Сұрақ: Құрсақтағы баланың атынан да пітір садақасын беру керек пе? 90. Жауап: Ана құрсағындағы туылмаған бала анасымен бір адам ретінде саналғандықтан құрсақтағы баланың атынан пітір садақасы берілмейді. Сұрақ: Пітір садақа қалай есептеледі? 91. Жауап: Пітір садақа 2 келі бидай (ұн, талқан т.б.) не мейізбен, немесе 4 келі құрма не арпамен есептеледі. Дегенмен азық - түліктің орнына пітір садақаның құнын бергені абзал. Қазіргі таңда бидайдың өзі емес, ұн, талқан секілді оның өнімдері кең қолданылады. Сол себепті Қазақстан мұсылмандары діни басқармасы пітір садақаны ұнмен есептеуге пәтуа берді. Өйткені шариғатта бидаймен қатар оның өнімдерімен де пітір садақа беруге рұқсат етіледі. Сондай - ақ, хадистегі «бір сағ» өлшем бірлігі – 4 келі, «жарты сағ» 2 келі деп бекітілді. |