ӘКІМЖАНОВЗейнолла (1.7.1951 ж.т., Солт. Қазақстан обл. Жамбыл ауд. Амангелді а.) -
ақын. ҚазҰУ-ды бітірген (1974). 1975 жылдан бері Солт. Қазақстан обл. "Солтүстік
Қазақстан" газетінің мәдениет бөлімінде қызмет істейді. 1993 ж. "Мизамшуақ" жыр жинағы
жарық көрді. Көптеген өлеңдері, жыр шоғырлары респ. газет-журналдарда басылып келеді.
Орыс ақыңдарының өлең-жырларын, әңгіме-повестерін қазақ тіліне аударған. ӘКІМҚҰЛОВ Еркінбай (4.9.1937 ж.т., Оңт. Қазақстан обл. Түркістан ауд. "Балтакөл" ұжымшары) - жазушы,
аудармашы. ҚазҰУ-ды бітірген (1959). 1959 - 68 ж. "Лениншіл жас" (қазіргі "Жас Алаш")
газетінде әуелде әдеби қызметкер, әдебиет және өнер бөлімдерінің меңгерушісі. 1968 - 74 ж. әр
түрлі қызметтер атқарған. 1974 - 76 ж. "Жазушы" баспасында редакция меңгерушісі. 1976 - 83
ж. "Жалын" баспасының әдеби қызметкері, 1983 - 87 ж. бас редакторының орынбасары. Ол
Януш Корчактың "Қайта оралған балалық" повесін қазақшаға аударған. 1983 - 89 ж. "Ты - мой
светлый мир", "Дневник девушки" деген атпен екі кітабы орыс тілінде жарық көрген.
