АХМЕТОЛЛА ҚАЛИҰЛЫ (15.10. 1940 ж.т., ҚХР, Шыңжаң өлкесі, Толы ауд.) - жазушы.
Сауатын молдадан ашқан. Қытайдағы Іле пед. ин-тын бітірген (1958). 1958 ж. "Үш қазақтың
түтінін қосуды" бағдарлама еткен ұлтшыл. "Үміт" ұйымының саяси комиссары" деген жаламен
екі жыл қуғында, бақылауда болып, Құлжа қ-сы маңындағы Ләнтәйзі көмір шахтасында көмір
қазған. 1959 ж. аяғында Алтай аймағы, Жеменей ауд. №1 орта мектепте мұғалім болған. 1960 - 70
ж. №2 орта мектепте ғыл. мүдір қызметін атқарған. 1962 ж. бастап тағы да жоғарыдағы жалаға
"түзетімпаз" деген атақ қосылып, қуғында жүрген. 1966 ж. "Мәдениет төңкерісі" басталғанда,
"буржуазия зиялысы", "Ұлттық бөлшектеуші" деген айдар қосылып, қуғын-сүргінде болды.
1980 - 95 ж. Үрімжі қ-нда ұлттық "Шыңжаң халық баспасында" аға редактор және қазақ бөлімі
бастығының орынбасары міндетін атқарған. 1996 ж. бастап Түркістан қ-ндағы Қ.А. Иасауи атынд.
халықар. қазақ-түрік ун-нде ғыл. қызметкер болып жұмыс істейді.
