ӘБІЛДАЕВАГүлзакира (29.3.1956. Оңт. Қазақстан обл. Ордабасы ауд. Қ.Мұңайтпасов атынд.
ұжымшар -2004. Алматы) - ақын. ҚазҰУ-ды бітірген (1982). 1984 - 90 ж. Қазақ-стан Жазушылар
одағының Әдебиетшілер үйі мен Әдебиет қорында. 1990 -91 ж. "Ақжелкен"журналында. 1991
жылдан Қазақ радиосында қызмет атқарған. 1978 ж. "Таңғы дауыс" жыр жинағы жарық көрген.
ӘБІЛДАҰЛЫ Бақтыяр (10.11.1937 ж.т., Жамбыл обл. Талас ауд. Ақкөл а.)- журналист, жазушы,
драматург. ҚазҰУ-ды бітірген (1959). 1959 ж. Жамбыл обл. қазіргі "Ақ жол" газетінде тілші, бөлім
меңгеруші болды. Қазір осы газетте бас редактордың орынбасары. Алғашқы жинағы "Тұлпардың
тұяғы" хикаяты 1980 ж. жарық көрген. 1986 ж. Жамбыл обл. қазақ драма театрында 1986 ж. "Айша
бибі" трагедиясы. 1992 ж. "Сыпатай батыр" пьесасы, 1995 ж. "Төле би" драмасы 1999 ж. "Мырза
Мұхаммед Хайдар" драмасы қойылды. "Төле би және Қойгелді батыр" (1992), "Рысбекбатыр"
(1994),"Байзақ датқа","Бөлтірік би" (1996), хикаяттары, "Талас - Тараз" (1998), "Жауғаш батыр -
Абылай ханның елшісі" (1999), "Сыпатай батыр" (2000) романдары жарық көрген. Бірнеше
медальдармен марапатталған.
