Нишанбаева сабира зетбековна
Сурет 7 - Анықтаушы эксперименттегі сауалнама нәтижесі бойынша
жүктеу/скачать 3,49 Mb. Pdf көрінісі
|
| Сурет 7 - Анықтаушы эксперименттегі сауалнама нәтижесі бойынша
алынған екі зерттелуші топтардың пайыздық көрсеткіштерінің диаграммасы Сауалнамаға қатысқан студенттердің жауаптарына назар аударатын болсақ, басым көпшілігі 26-30 жас аралығында некеге тұруды тиімді деп есептейді. Бұл бүгінде жоғары оқу орнын бітірген соң таңдаған мамандық бойынша қызмет жасап, материалдық жетістіктерге қол жеткізуді сеніммен айтатын студенттер санының артуын көрсетеді. Осы орайда педагогикалық жоғары оқу орындары студенттерінің отбасы-адамгершілік құндылықтарын қалыптастыруды оларды отбасылық өмірге дайындаудың міндеттерін шешу мәселесімен бірге қарастыруы заңдылық. Студенттердің отбасы жайлы түсініктерін анықтаудың ерекшеліктері жоғары оқу орындары жағдайында отбасы туралы білім мен тәрбие саласындағы болашақтағы жұмыстарға бағдар болады: студенттердің отбасындағы эмоциялық байланыстар жайлы білімдерін кеңейту; жастардың отбасы жөніндегі түсініктерін олардың ерекшеліктерін ескере отырып, студенттердің отбасылық қатынастар саласындағы нақты мінез-құлқы мен жас ерекшеліктерін есепке алуға мүмкіндік береді. Осыған орай, Абай атындағы ҚазҰПУ-нің 2016-2018 оқу жылдарында өткізілген тәжірибелік-эксперимент жұмысының нәтижесінде педагогикалық жоғары оқу орындары студенттерінің отбасы-адамгершілік құндылықтарын қалыптастыруға арналып дайындалған әдістемелік кешені дайындалды. Кез-келген тұлғаның қалыптасқан тұрақты құндылық бағдарының жиынтығы оның қажеттіліктері мен мүдделері бағытында көрінетін мінез- құлқы мен және ic-әрекет типтерінің өзара байланыста ұштасуын қамтамасыз етеді. Алайда қазіргі таңда тұлғаның отбасы құндылықтарын мойындау, оны бойына сіңіру мәселесінің өзектілігі арта түсуде. Оған дәлел біздің зерттеу тақырыбымыздың аясында өткізілген бастапқы диагностиканың нәтижесін қарастырып көрейік. Ш. Шварцтың «Құндылық сауалнамасы» әдістемесі қолданылды. Әдістемеде мынадай сұрақтар беріледі: 1. Менің өмірлік қағидаларым ретінде қандай құндылықтар маңызды болып саналады? 2. Қандай құндылықтардың мен үшін маңызы төмен? Бұл әдістемені жүргізуге мынадай нұсқау беріледі: құндылықтардың өмірлік принциптерге байланысты қаншалықты маңызды екендігін анықтау үшін мынадай жауап кілті пайдаланылады [209], яғни: 7- өте маңызды (өмірлік құндылықтарға басшылық жасаушы); 6-өте маңызды; 5-жеткілікті маңызды; 4-маңызды; 3- өте маңызды емес; 2-маңыздылығы аз; 1-маңызды емес; 0-маңызы мүлде жоқ. Сауалнамаға қатысқандардың бақылау тобынан 55 зерттелуші қатысса, оның ішінде 9 зерттелуші, неке тұрудың басымдылығы махаббатта деген сауалнаманың, яғни 16 % пайызын құрады, әлеуметтік мойындау мен әлеуметтік күш 15 адам, яғни 27% пайызын құраса, өмірдің мәні 9 аданың 16% пайызын құрады, сыпайылық 8 зерттелушінің 14,5 % пайызын құраса, ал өзгенің пікірін құрметтеу 5 адам, 10 % пайызын қамтыды, салт-дәстүрді құрметтеу 5 адам, яғни 7% пайызын құраса, даналық бойынша 6 адам, 11% пайыз жауап берді. Сауалнамаға қатысқандардың эксперимент тобы бойынша 65 зерттелуші қатысты, оның ішінде неке тұрудың басымдылығы махаббатта деген 12 зерттелушінің, яғни 18,4 % пайызын құрады, әлеуметтік мойындау мен әлеуметтік күш 14 адам, яғни 22% пайызын құраса, өмірдің мәні 13 аданың 20% пайызын құрады, сыпайылық 4 зерттелушінің 6% пайызын құраса, ал өзгенің пікірін құрметтеу 14 зерттелушінің 22% пайызын қамтыды, салт-дәстүрді құрметтеу 5 адам, яғни 7% пайызын құраса, даналық бойынша 3 адам, яғни 4,6% пайызы жауап берді (1-қосымша). жүктеу/скачать 3,49 Mb. Достарыңызбен бөлісу:
|