Зерттеу өзектілігі. Ахмет Байтұрсынұлы негізін салған қазақ тіл білімі ғылыми тұрғыдан ұлттық негізде ХХ ғасырдың басында зерттеліп, зерделене бастады. Ұлт зиялыларының тер төгіп, ат салысуымен ұлттық тіл білімдегі сара жол салынды. Гендер ұғымын әлеуметтік жыныс тұрғысынан қарастырып, этнос, ру-тайпа атауларының қойылуындағы әлеуметтік жыныс ұғымы қалай көрініс тапты деген мәселе – біздің зерттеу жұмысымыздың өзектілігі болып табылады. Ру-тайпа, халық атаулары тіл пайда болғаннан бері қарай сан мыңдаған ғасырлар бойы бірге жасасып келеді. Көмескіленгені болмаса көштен қалған емес. Осы өшпес, өлмес мол мұраны жаңаша сипаттағы тіл білімі бағыты – антропоөзектілік тұрғысынан зерделеу – бүгінгі жасампаз ұлт үшін, оның мәдениет, болмысы үшін, ұлттық бедерін танытатын тілі үшін қашан да өзекті.
Зерттеу нысаны: қазақ тіліндегі этнонимдердің гендерлік қыры, оны ашатын тіліміздегі тілдік бірліктер (шежірелік өлең-жырлардағы гендерлік сипаты айқын тілдік бірліктер, ру, тайпа атауларының тарихынан хабар беретін мақал-мәтел, тұрақты сөз оралымдары т.б.) зерттеу жұмысымыздың нысанын көрсетеді.
