Кесте 2 – Шөп қоспаларының зерттеу жүргізілген жылдардағы екі жылдық орташа көк балауса және құрғақ масса өнімінің орташа көрсеткіштері, ц/га (2017-2018 жж.)

Зерттелінген шөп қоспаларының екі жылдық орташа мәліметтері бойынша шабу мерзімдерін бір-бірімен салыстырғанда, дақылдардың сүттеніп пісу, бұршаққындардың қалыптасуы және шашақтану кезеңінде шабылған көк балауса өнімдері,дақылдардың түтікке шығу, гүлдену және масақтану кезеңдеріне қарағанда орташа 73,0-92,0 ц/га жоғары өнім қалыптастырған. Ал құрғақ массалары бойынша салыстырғанда, сүттеніп пісу, бұршаққындардың қалыптасуы, шашақтану кезеңдеріне қарағанда түтікке шығу, гүлдену және масақтану кезеңдерінде шабылған құрғақ массасына қарағанда орташа 22,52-31,20 ц/га жоғары қалыптастырған. Яғни түтікке шығу, гүлдену және масақтану кезеңдерінде өнімнің төмен болуына негізгі себеп өсімдіктердің бойларының аласа болуы [9-11]. Сүттеніп пісу, бұршаққынның қалыптасу және шашақтану кезеңдерінде ауа температурасы +17,5°С–ға төмен болғанымен жауын-шашын мөлшері 32,9 мм түсіп топырақтағы ылғалдылықтың молаюының себебінен дақылдардың жапырақ бетінің ауданы ұлғайып, әрі өсімдіктер биіктеп өсіп, көк балауса өнімін жақсы қалыптастырды [12-15].