| Әдебиеттер
1.Білім заңы. Алматы, 2007 ж.
2.А. Иманбаева, Оқу-тәрбие үрдісін ақпараттандыру ділгірлігі. Қазақстан мектебі, №2, 2000
3.Ағылшын тілі мектепте. 2009№5. 2010 №1.3.
ПӘНДІ ОҚЫТУДАҒЫ ЫНТАЛАНДЫРУДЫ КӨТЕРУ ТӘСІЛІ РЕТІНДЕ БИОЛОГИЯ САБАҚТАРЫНДА АКТ ҚОЛДАНУ
Нұрғалиева А.К. (Ақтөбе)
Мен «Пәнді оқытудағы ынталандыруды көтеру тәсілі ретінде биология сабақтарында АКТ қолдану» тақырыбын кездейсоқ таңдап алған жоқпын. Біз оқушыларды дені сау, өз қызметін бақылай алатын, мүмкіндіктерін бағалай алатын алдына мақсат қойып оны орындай алатын тұлға ретінде көргіміз келеді. Ондай тұлғаны оқыту жүйесін жетілдіре отырып, білім сапасын арттыру арқылы аламыз.
Қазіргі уақытта білім берудің мақсаты мен міндеті өзгеруде, басты назар жеке-бағдарланған білім беруге аударылуда. Дегенмен де, сабақ оқу үрдісінің басты құрамдас бөлігі болып табылады. Оқушылардың оқу қызметі сабаққа бағдарланған. Оқушылардың дайындық сапасы білім мазмұнымен, сабақты өткізу технологиясымен, ұйымдастырылу және практикалық бағыттылығымен, оның атмосферасымен анықталып, жаңа педагогикалық технологиялардың енгізілуін қажет етеді.
Сабақта АКТ қолдану тұлғаның дамуына және оқушылар пәнді оқуға ынталандыруға бағытталған қазіргі білім берудің жаңа түрі болып табылады. Сондықтан да, мен заман ағымына сай әрекет етіп, өз пәніме ақпараттық технологияларды терең енгізе отырып, алдыма келесі мақсат пен міндеттерді қоямын:
1. Оқушының тұлға ретінде қалыптасуы, ақпараттық қоғам жағдайында өзіндік жемісті қызметке дайындау:
- компьютермен жұмыс жасау білігі арқасында жинақы, алгоритмді ойлау қабілетін дамыту;
- жемісті қызмет жасау қабілеті есебінен шығармашылық ойлау қабілетін дамыту;
- ақпараттық мәдениетті қалыптастыру, ақпаратты сараптай білу (кестелік материалды, ақпараттар базасын пайдалану кезінде).
2. Қазіргі қоғамды ақпараттаумен шартталған әлеуметтік тапсырысты іске асыру:
- оқушыларды ақпараттық технология құралдар арқылы өзіндік танымдық қызметке дайындау.
3. Оқу-тәрбие үрдісін ынталандыру:
- ақпараттық технологиялар мүмкіндіктерін іске асыру арқылы оқу үрдісінің сапасы мен тиімділігін көтеру;
- шығармашылық қызметті белсендіруге жетелеу жолдарын анықтау және қолдану.
Қойылған мақсаттар мен міндеттер мені сабақта компьютерлік технологияны қолданудың әдістемелік тәсілдерін үйреніп, оқушылардың өзін-өзі дамыту және бейімделуіне, материалды беру жолдарын жетілдіруге жағдай туғызады.
Достарыңызбен бөлісу: | 
